________________
सङ्घगुरुकार्ये शक्तिप्रकटने विष्णुकुमारकथा ]
[२१९ उसहस्स पयावइणो सुयस्स नामेण कुरुनरिंदस्स ।
लोयम्मि सुप्पसिद्धो कुरु त्ति जयपायडो देसो । तत्थ य विणिज्जियासेसविसयं महामुणिमाणसं पिव हत्थिणारं नयरं । जं च, सुरवइदेहं पिव वित्थारियनित्तनिरंतरं, विबुहाहिट्ठियं च, चंदबिंबं पिव मणहरं, कलाहिरामं च । कुलवहूजोव्वणं पिव सुरक्खियं, पत्थणिज्जं च । अवि य- 5
लडहविलासिणिसालत्तचलणनिहित्तजायवरसोहा । कंकेल्लिपल्लवा इव रायपहा जम्मि रेहति ।। णाणाविहरयणसमुच्छलंतकिरणोहरंजियावयवा । दीसंति जत्थ रविणो किरणा तियसिंदु(द)धणुसरिसा ।। सो इंदनीलसामलपासाए पेच्छिऊण साणंदं । नच्चइ मयूरविंदं वेलवियं जलयसंकाए ।। गज्जंकुरवेलविया रविरहतुरया खणं निसीयंति । मरगयपासायसमुच्छलंतउद्धट्ठियकरेसु ॥ निम्महियसुरहिपरिमलसुहफंसासायगरुएमाहप्पो । कामि व्व जत्थ सणियं पवियंभइ मारुओ दूरं ।। अह नवर तत्थ दोसो निट्ठवियासेसदोसनिवहम्मि । अवहत्थियमज्जाया रिउणो विलसंति समकालं ।। तत्थ वियंभियपडिवक्खमत्तमायंगकुंभणिद्दलणो।
पणइयणपूरियासो राया पउम(मु)त्तरो नाम ।। जो य, दिवसारंभो व्व अणुवत्तियमित्तमंडलो भुवणभुवं इंदफलानिवहो व्व 20 समुव्बूढमहिवेढो, कमलायरो व्व जयलच्छिसमहिट्ठिओ त्ति । अवि य
निव्वावेंति गुण च्चिय सयलं महिमंडलं जए पयडा । एमेव य पडिवन्नं मियंककिरणेहिं महिवेढं ।। अह पावविलसियं दणुयनाहहिययं व पुरिससीहस्स । जसपब्भारेहिं दढं नक्खेहिं व दूर विणिभिन्नं ।।
D:\mala.pm512nd proof
