________________
सङ्घगुरुकार्ये शक्तिप्रकटने विष्णुकुमारकथा ]
[२२१ पायडगुणाइं दूरं सहिययजणजणियहसियतोसाइं । चरियाई व जस्स सुभासियाइं घेप्पंति लोएहिं ।। निट्ठवियसयलदोसा पयासियासेसपयडपरमत्था ।
पसरंति जस्स दूरं कव्वाबंधा रविकर व्व ।। कालंतरेण य पुणो वि पसूया चोद्दसमहासुमिणयपिसुणियं जाला सुरकुमरसंकासं 5 दारयं । कयं महावद्धावणयं । पइट्ठियं से नामं महापउमो त्ति ।
सो देवपरिग्गहिओ वडतो तत्थ जुव्वणं पत्तो । नियकरपडिवन्नधरो उदयत्थो दियहनाहो व्व ॥ भमिउ व्वायाए दढं सूहवपुरिसो व्व दूरमवगूढो । पायडगुणावलीए दयाए व सुकयपुण्णो व्व ।।
10 सुविसुद्धाए जराए धवरा(ला) चिहुर व्व जस्स कीरंति ।
कव्वकहाए पुरिसा अण्णाणकलंककसिणा वि ।। अण्णया अणेगसीसपरिवारो समोसरिओ बाहिरुज्जाणे सुव्वयाहिणामो महामुणी। जो य, भूसणं तवसिरीए, निलओ विरागयाए, कण्णाहरणं नाणलच्छीए, कुलमंदिरं खंतीए, निवासो दयाए, जलनिही गुणरयणविभूईए, पुण्णखित्तं अपरिग्गहियाए त्ति । 15 अवि य–समुक्खायसल्लो महामोहम(स)ल्लो ।
गुणाणं सुपल्लो मुणीणं महल्लो ॥ ___ तओ सरिसयरो संपत्तो राया सह विण्हुकुमार-महापउमेहिं । पत्ता नगरया । भगवया वि समाढत्ता धम्मकह त्ति । "धम्माउ च्चिय जम्हा अत्थाईया हवंति पुरिसत्था ।
20 ता सो च्चिय कायव्वो विसेसओ मोक्खकामेहिं"॥ जेण देवाणुप्पिया ! असारो संसारो, दारुणा नरया, अइदुव्विसहाओ तेसु वियणाओ, विचित्ता कम्मपरिण[ई]ओ, समुच्छलंति रागाइणो, अणवट्ठियं मणं, चंचला इंदियतुरंगमा, किंपागफलोपमा विसया, दारुणो पियविप्पओगो, दुरंतो वम्महो, नरयसोवाणभूयाओ इत्थीओ, असासयं जीवियं, समासण्णं मरणं, वंचणापरा पाणिणो, 25 कसायानलसंतत्तं जगं, असुंदरो घरवासो, न सुलहं मणुयत्तं, दुल्लहा धम्मपडिवत्ती,
D:\mala.pm5\2nd proof
