Page Text
________________
२०६]
[ सविवरणं धर्मोपदेशमालाप्रकरणम् जइ अपोर(रु) सेयं, कहं वयणं विरोहं ?' मण्णमाणेण पुणो वि पुच्छिओ वेयतत्तं दुइयवाराए वि तं चिय पलत्तं । पुणो तइयवाराए वि 'वेया एव तत्तं' ति साहियं । तओ रोसवसतंबिरनयणजुयलो समुक्खायकरालकरवालो समुद्धाइओ उज्झायाभिमुहं सिज्जंभवो-'जइ तत्तं न साहेसि, ता [5]वस्सं वावाइऊण अप्पाणं मारेस्मामो' । 'अव्वो ! पुण्णा मे पइण्णा, जेण जीवियसंसए वेदरहस्सं साहेयव्वं, सो य एसो मे जीवियसंसओ' चिंतितेण भणियमुवज्झाएण-'जइ एवं, ता सम्मं निसुणेसु-अहिंसालक्खणो सच्चाहिट्ठिओ परदव्वावहरणनियत्तिरूवो नवगुत्तीविसुद्धबंभचेरालंकिओ अवहत्थियपरिग्गहारंभो जियरागदोसपरीसहोवसग्गो दाणसीलतपभावणाइनाणाविहगुणाणुगओ पच्चक्खाणुमाणाइपमाणगओ पुव्वावरपदस्थाविरुद्धो रायगिहे चेव 10 सव्वण्णुमहावीरपणीओ धम्मो तत्तं' ति । अवि य
"नीसेसगुणग्घवियं समत्थतेलोक्कवड्डियाणंदं।।
मोत्तुं जिणिंदधम्मं किं किर तत्तं जए अन्नं ?" ॥ तओ भणियं सेज्जंभवेण–'को एत्थ पच्चओ ? जहा जिणधम्मो तत्तं?' । तेण भणियं-'इमस्स जूयस्स हिट्ठाओ सव्वरयणमई भगवओ उसभसामिणो पडिमा 15 जागपूयाछलेण पूइज्जइ' । तओ भूमिं खणिऊण दाविया से पडिमा, पणमिया
भावसारं । तहा खामिऊणोवज्झायं पणमिऊण तस्सेय सव्वं जागोवगरणं सेसदव्वं च दाऊण निग्गओ निययगिहाओ । संपत्तो गुणसिलयमुज्जाणं । दिट्ठा ते मुणिणो । अच्छि(त्थि)या ते धम्मं । तेहिं पि दाविया सूरिणो, पणमिया सबहुमाणं ।
पुव्वदिट्ठिविहाणा निंदिओ संसारो, साहिओ सवित्थरो मुणिधम्मो । तओ भणियं 20 सिज्जंभवेण–'भयवं ! देसु मे दिक्खं, जइ जोग्गो' । 'को अण्णो जोग्गो ?' त्ति
भणंतेण पव्वाविओ आगमविहिणा भगवया । सिज्जंभवेण गहिया दुविहा सिक्खा । सव्वहा किं बहुणा ? जाओ चोद्दसपुव्वी । तओ काऊण से मुणिपत्थिवाभिसेयं कालाणुरूवसंलिहियसरीरो कयभत्तपरिच्चाओ नमोक्कारपरायणो गओ पभवसूरी देव
लोगम्मि । सेज्जंभवायरिओ वि आयरेंतो पंचविहमायारं, परूवेंतो सम्मत्तमूलं साहु25 सावयधम्म, बोहिंतो भव्वकमलायरे, पयासें तो अट्ठविहकम्मविवागं, परूवेंतो
संसारनिव्वाणकारणाणि मिच्छत्तसम्मत्ताईणि, करेंतो गच्छवुढेि, पयासिंतो तित्थयर
१. ह. क. दानशी।
D:\mala.pm5\2nd proof
| SR No. | 009624 |
| Book Title | Dharmopadeshmala prakaranam |
| Original Sutra Author | N/A |
| Author | Jaysinhsuri, Chandanbalashree |
| Publisher | Bhadrankar Prakashan |
| Publication Year | 2010 |
| Total Pages | 418 |
| Language | Sanskrit |
| Classification | Book_Devnagari & Religion |
| File Size | 2 MB |