________________
१६६]
[ सविवरणं धर्मोपदेशमालाप्रकरणम् सह भोगे भुंजंतस्स संपत्तो कणिरकलयंठिरवावूरियवणंतरालो, विरहानलतवियनियत्तमाणपावासुओ, विसट्टमाणकंदोट्टरयरेणुरंजियदियंतरालो, माइंदगाहिगंधायड्डियभमिरभमरोलिझंकारमणहरो, दीसंतनाणाविहतियसजत्तामहूसवो, पडुपहडझल्लरिपडहियसद्दापूरिज्जमाणगयणंगणो वसंतो त्ति । अवि य
मलयानिलो वियंभइ चूओ महमहइ परहुया रसइ । अच्चिज्जइ विसमसरो हिययारूढो पिययमो व्व ॥ एयारिसे वसंते उज्जाणं पट्ठिएण नरवइणा ।
मंजरिनिवहसणाहो साणंदं पुलइओ चूओ ॥
अइकोऊहल्लेणं गहिया ताओ मंजरी राइणा, तयणु समत्थखंदावारेण वि। विलुत्तो 10 जाओ खाणुयमेत्तो । रमिऊण नियत्तमाणेण पुच्छिया आसण्णनरा–'भो भो ! कत्थ सो
चूओ?' । तेहिं भणियं-'देव ! जाव तए गहिया मंजरी, ताव तव खंधावारेण, एवमा वत्थंतरं पाविओ एसो सो चूओ' त्ति । तओ सविसायं चिंतियं रायणा-'अव्वो ! करिकण्णचंचलाओ जीवियजोव्वणधणसयणरयणपियपुत्तमित्ताइयाओ विभूईओ ।
तकिमणेण भवनिबंधणेण रज्जेण?' । संबुद्धो सो वि गहियसामण्णो विहरिउं पयत्तो 15 त्ति । कमेण य पत्ता सव्वे वि खिइपइट्ठियं नयरं । अवि य
संभरियपुव्वजम्मा दूसहतननियमसोसियसरीरा ।
विहरंता ते पत्ता चत्तारि वि धरणिट्ठियनयरे ॥[ ] तओ चउदुवारे देवउले पुव्वदुवारेण करकंडुमुणी पविट्ठो, दक्खिणेण दुमुहो, अवरेण नमी, उत्तरेण नग्गई। कहं महामुणीण पराहुत्तो ठामि ? त्ति विरु(कु)व्वियं 20 वाणमंतरेण नियपडिमाए मुहचउक्कयं । एत्थंतरम्मि मसिणकटेण कन्नं कंडूइऊण मुक्कं एगपासम्मि कंडुययणं करकंडुणा । तं च दद्रुण भणियं दुमुहेणं ति ।
देसपुररज्जधणसयणकामिणी उज्झिऊण पव्वइओ ।
ता कीस संचयमिणं करेसि कंडूयणतणस्स ? ॥[ ]
जाव दुम्मुहेण भणिओ करकंडू पडिसंलावं न देइ । इत्थंतरम्मि भणिओ दुम्मुहो 25 नमिण त्ति । अवि य
१. क. दागा।
D:\mala.pm5\2nd proof
