________________
निमित्ताद् बोधे चत्वारः प्रत्येकबुद्धकथाः]
[१६५
[२]
तह पंचालजणवए कंपिल्लपुरे नयरे गुणरयणजलनिही दुम्मुहो राया । तस्स य सुकयकम्मजणियं तिवग्गसारं जीयलोयसुहमणुहवंतस्स आणंदियरायहंसो निम्मलगयणंगणो ढेकंतदरियवसहालंकिओ निप्फण्णसव्वसासो नच्चिरनड(व)नट्टछत्तसुट्ठियसुसोहिल्लो पत्तो सरयागमो । तओ आसवाहणियाए नीसरंतेण दिट्ठो इंदकेऊ महाविभूईए 5 पूइज्जमाणो, पडिनियत्तेण य दिवसावसाणे दिट्ठो भूमीए पडिओ कट्ठावसेसो विलुप्तो । तं च दट्टण चिंतियमणणेण–‘एवं संसारिसत्ताण वि संपयविवयाउ' त्ति । अवि य- दट्ठण सिरिं तह आवइं च जो इंदकेउणो बुद्धो ।
एस गई सव्वेसिं दुम्मुहराया वि धम्मम्मि ॥[ ] एसो वि गहियसामण्णो विहरिउं पवत्तो त्ति ।
_[३] तहा विदेहाजणवए मिहिलानयरीए नमी राया । तस्स य दाहजराभिभूयस्स विज्जेहिं चंदणरसो कहिओ । तं च घसंताण महिलियाण वलयझंकारो जाओ । तमसहंतेण रायणा अवणेयावियाओ एक्केक्कं वलयं । तहा वि न झीणो सद्दो । पुणो दुइयतइयचउत्थमवणीयं, तहा वि न निट्ठिओ सद्दो । पुणो एक्केकं धरियं । तओ पसंतो 15 सव्वो वि सद्दो । इत्थंतरम्मि चिंतियं राइणा-अव्वो ! जावइओ धणधन्नरयणसयणाइसंजोगो, तावइओ दुक्खनियरो त्ति ।
जत्तियमित्तो संगो दुक्खाण गणो वि तत्तिओ चेव।
अहवा सीसपमाणा हवंति खलु वेयणाओ वि ॥ 'तम्हा एगागित्तं सुंदरं' ति मण्णंतो संबुद्धो एसो वि । खओवसमेण वेयणीयस्स 20 पउणीहूओ सरियपुव्वजम्मो गहियसामण्णो विहरिउं पयत्तो त्ति । अवि य
रेणुं व पडविलग्गं रायसिरि उज्झिऊण निक्खंतो । म( म )हिलाए नमी राया परिमुणियासेसपमत्थो ॥[ ]
[४] तहा गंधारजणवए पुरिसपुरे नगरे जयरिसिकुलमंदिरं नग्गई राया । तस्स पियाहिं 25
१. क. न° । २. क. नि ।
D:\mala.pm5\2nd proof
