________________
१६२]
[सविवरणं धर्मोपदेशमालाप्रकरणम् पयाहिणीकाऊणारोविओ गलकंठकरणपुव्वयं निययपट्ठीए करिणा । हेसियं तुरंगमेण, ठियमुदंडपोंडरीयमुवरिं, निवडियं भिंगाराओ जलं, पवीइयाणि चामराणि । तओ आवूरियमाणेहिं असंखसंखेहि, पवाइज्जमाणेहिं तूरेहिं, नच्चमाणीहिं विलासिणीहिं, पढंतेहिं मागहेहिं, महाविच्छड्डेणं नगरे पविसिउं पवत्तो, मुणियमायंगवुत्तंतेहिं निवारिओ पओलीए पविसंतो बंभणेहिं । संजायामरिसेण य उब्भिओ दंडो पलयानलो व्व जलिउमाढत्तो । तओ भयभीया पणट्ठा बंभणा । करकंडू वि निविट्ठो सीहासणे, अहिसित्तो नरिंदसामंताइएहिं । एवं च जम्मंतरकयपुण्णजणियं तिवग्गसारं नरसुक्खमणुहवमाणस्स वोलीणो कोइ कालो । मुणियवुत्तंतो य पत्तो सो बंभणो । भणियं च
णेण–'महाराय ! देसु मम पुव्वुत्तं गाम' । रायणा भणियं-'गेण्हसु जो भे पडिहाइ' । 10 तेण भणियं-'मम चंपाए गेहं, तत्थ देसु' । तओ पट्ठविओ दूओ सह लेहेण
दहिवाहणराइणो । पडिहारनिवेइओ य पविट्ठो दूओ, समप्पिओ लेहो । भणियं दूएण'एयस्स दिया[इ]णो गामं देसु अम्हाण कए(रे)' । तओ संजायामरिसेण भणियं दहिवाहणेण–'अरे ! दुट्ठमायंगस्स पम्पुट्ठो अप्पा, जेण ममावि लेहो विसज्जिओ' ।
गलत्थलिऊण य नीणिओ दूओ, कमेण य पत्तो एसो । साहियं करकंडुणो जहावुत्तं । 15 तओ संजायकोवो पयट्टो करकंडू तदुवरि संगामट्ठा । अवि य- धवलगइंदारूढो नयराओ नीरु(ह)णिक्खसंकासो।
___ सारयघणो व्व सूरो राया पायडियमहिवीढो ।।
तओ थुव्वंतो जहट्ठियगुणसंथवेण, पिच्छंतो नयणगंडूसेहिं, दाइज्जमाणो अंगुलिसएहिं, दितो दाणं कमेण पत्तो चंपाए , आवासिओ बाहिरुज्जाणे । तओ 20 आवूरिएसु जमलसंक्खि (खे)सु , वाइएसु रणतूरेसु , पढंतेसु मुहलमागहेसु , जायामरिसाणि लग्गाणि दोण्ह वि नरिंदाणं अग्गसेण्णाणि त्ति । अवि य
करिनाहाणं करिणो रहाण रहिणो भडाण नरवइणो ।
समयं चिय संलग्गा आसारोहा वि तुरियाण ।। तओ कत्थइ धेणुगुणविमुक्कनिसियसरनिरंतरं । कत्थइ निद्दलियसुहडासिघायण25 नरसिरमालोवमालिज्जमाणमहियलं । कत्थइ सरनियरनिवाडियारोहसुन्नासणविहलभ
१. ज. महविट्ठो । २. क. धण ।
D:\mala.pm5\2nd proof
