Dharmopadeshmala prakaranam

SR No.: 009624
Original Sutra Author: N/A
Author: Jaysinhsuri, Chandanbalashree
Publisher: Bhadrankar Prakashan
Publication Year: 2010
Total Pages: 418
Language: Sanskrit
Classification: Book_Devnagari & Religion
File Size: 2 MB

Page 219

निमित्ताद् बोधे चत्वारः प्रत्येकबुद्धकथा: ]
मंततुरंगमं । कत्थ य कोऊहलागयकिन्नरकिंपुरिससिद्धगंधव्वजक्खरक्खसभूयपिसायवेयालडाइणीसमाउलं । कत्थइ करालकरवालनिंद्दयपहारनिवडियकरिकुंभवियलंतमुत्ताहलधवलियमहिमंडलं । कत्थइ सुमिरयसामिपसायमहासत्तसुहडसंघायदिज्जमाणनियजीवियं । कत्थइ चक्कासिछिन्ननररुहिरवसामिसलुद्धनिवडंतगिद्धसयसंकुलं । कत्थ य सुहडमहासत्तपरितुट्ठा [ गयणं] गणविमाणति (ट्ठि) यतियसकामिणीविमुच्च- 5 माणकुसुमोवयारं ति ।
अवि य- असरिससमसीसीभूसियाई संभरियपुव्ववेराई ।
पहरंति ये वि(जाइं)दूरं बलाणि वि (ति) यसासुराणं व ॥
तओ कण्णपरंपराए करकंडु - दहिवाहणाण दारुणं जुज्झं निसामिऊण 'मा 10 जणक्खओ होइ' त्ति भाविंती आगया पउमावई साहुणी । भणिओ तीए एगं करकंडू राया- 'वच्छ ! कीस जणएण सह जुज्झसि ?' । तेण भणियं - 'कहमेस ममं जणओ ?' । तओ साहिए सवित्थरे तीए निययवुत्तंते पुच्छिया जणणि-जणया । तेहिं पि कहिओ परमत्थो, दावियं मुद्दारयणं । तओ अहिमाणेण भणिया पउमावई करकंडुणा–‘कहमियाणि कयपय (इ) ण्णो नियत्तामि ?' । तीए भणियं - 'वच्छ ! 15 वीसत्थो हवसु, जाव ते जणयं पेच्छामि' । गया एसा, पय (वि)ट्ठा नरिंदअत्थाणं । निवडऊण से चलणेसु परियणो रोविउमाढत्तो । एत्थंतरम्मि पणमिऊण सुहासणत्था पुच्छिया राइणा पउत्तिं । तीए वि साहिया सवित्थरा । 'एसो य ते सुओ, जेण तुमं रोहिओ' । तओ महाविभूईए पइसारिओ नयरीए करकंडू । तेण वि पणमिओ सबहुमाणं नरिंदो । कयं महावद्धावणयं । आणंदिओ लोगो त्ति | अवि य—
“तं किं पि अणण्णसमं दिट्ठे इट्ठम्मि होइ मणसोक्खं । जं कहिऊण न तीरइ संकासं मोक्खसोक्खाण" ॥ [ ]
[ १६३
D:\mala.pm5\2nd proof
20
तओ पसत्थवासरे दोसु वि रज्जेसु अहिसिंचिऊण करकंडू ( डुं) कालाणुरूवनिव(व्व)त्तियासेसकायव्वो महाविभूईए पव्वइओ दहिवाहणनरिंदो त्ति । करकंडुणो वि मुसुमूरियारिचक्कं पणयसामंतमहासामंतभडयणं धम्मत्थकामसणाहं परत्थसंपयाण - 25 सयण्हं विसिट्ठजणसलाहणिज्जं नरसोक्ख [मणु] हवंतस्स समइक्कंतो कोइ कालो । सो य किर गोव (उ)लप्पिओ । तेण अणेगाणि निययविसए गोव ( उ ) लाई कयाणि त्ति ।
१. क. डाय° । २. ह. क. ज. दिज्जंतमा ।