________________
१५६]
[सविवरणं धर्मोपदेशमालाप्रकरणम् सुरसेलो विव जाहे न चालिओ सो सुरेण धम्माओ । नियमायं संहरिउं पडिय पाएसु से देवो । "खमसु महारिसि ! जं ते हरिणो वयणसद्दहतेण । पडिकूलं आयरियं खंतिपहाणा मुणी होति ॥ तं चिय एत्थ कयत्थो नियकुलगयणस्स पुन्निमाइंदो । तं चिय निम्मलनियजससंछाइयतिहुयणाभोगो॥ तं चिय महरिसि ! बंभो अइदुद्धरबंभपालणाहिंतो । जंतूणं सुहकरणो होसि फुडं संकरो तं सि ॥ पुरिसाण मुत्तिमंतो तं चिय पुरिसोत्तमो समक्खाओ। परमीसरियाइ तहा इंदो वि तुमं नु(न) संदेहो ॥ वयणकिरणावबोहियभव्वमहाकमलसंडनिवहाओ। तं चिय जयम्मि सूरो निट्ठियदोसाउ तह चेव ॥ तवकरणाओ तं चिय सोमो विसेहिं नणु समक्खाओ। गरुयपयत्ताउ जई मुणी वि मुणणाउ भवणस्स ॥ कम्ममलं खु खवेंतो खमणो तं चेव तह य समणो वि । तवखेदे वर्सेतो गय रागो रागविरहाओ ॥ सयलजणबोहणाओ बुद्धो तं चेव तह य मज्झत्थो । रागाईणमभावा कारुणिओ करणभावाओ ॥ इय एवमाय( इ )बहुविहजहत्थनामेहिं तं मुणिं थोउं । नियठाणं संपत्तो देवो तह नंदिसेणो य" ॥ साहूहिं पुच्छिओ सो 'कत्थ गिलाणो ?' त्ति तेण वि पवंचो । सव्वेसिं परिकहिओ जहा कओ तेण देवेण ।। कयपव्वज्जो पच्छा मरणे समुवट्ठिए इमं भणइ । 'जइ अत्थि इमस्स फलं तवस्स, ता होज्ज मणुयत्ते ।।
15
D:\mala.pm512nd proof
