________________
१४०]
[सविवरणं धर्मोपदेशमालाप्रकरणम् इय जेण जेण समयं संबंधं जाइ तस्स तं तं व ।
परिणमइ मूलदेवो आइरिसो चेव दव्वेसु ॥ तस्स देवदत्ताए सह सब्भावसारं विसयसुहमणुहवंतस्स समइक्कंतो कोइ कालो। अन्नया वसंतूसवे उज्जाणमुवगएणं दट्टण देवदत्तं चिंतियं अयलेण–'अहो ! निवडियं विहिणा कोसल्लं इमीए रूवं विहेंतस्स' । संजायविसयाहिलासेण य पट्ठविओ संगमो नाम दूओ । भणिया य णेण–'अज्ज ते अयलो पाहुणओ' । तीए भणिय-सागयं सयमागच्छंतस्स वम्महस्स' । कयं तयणुरूवं समत्थं पि कायव्वं । ततो ण्हायविलित्तालंकारियसमाणियतंबोलो, अणुगम्ममाणो म(मि)त्तेहिं, विप्पइन्नकुसुमोवयारं,
पज्जालियरयणपईवं, नाणाविहरयणरंजियं, सचित्तकम्मोज्जलं, कुलभवणं पिव 10 जयलच्छीए पत्तो देवदत्ताए भवणं पओससमये अयलो त्ति । निसन्नो पहाणासणे ।
कयं चलणपक्खालणाइयं समत्थं पि कायव्वं । ततो केंचि खणंतरं वंकभणियपहाणाहि अच्चंताणुरागपराहि कहाहि चिट्ठिऊण गया मेत्ताइणो निययट्ठाणेसु । अयलो वि तीए सह नाणाविहहावभावविलासविब्भमाइसणाहं अच्चंताणुरागगब्भिणं रइसुहमणुहविउं पयत्तो त्ति । अवि य
तह सुरयदुव्वियड्ढाए रूवसोहग्गनिरवमगुणाए ।
दूरमभिरामिओ सो जह तं चिय महइ सुविणेसु ॥ एवं च तीए सह जहिच्छियदव्वपयाणेण वि सुहमणुहवंतस्स वच्चइ कोइ कालो। अहिलसंती वि मूलदेवं जणणिभएणं न पवेसेइ । अन्नदियहम्मि भणिया जणणी-'पवेसेसु मूलदेवं' ति । अवि य
चिरसंचियविरहानलतावं मुत्तूण मूलदेवं तु ।
न समत्थो अवणेउं अन्नो मयरद्धयसमो वि ।। जनन्योक्तम्-सत्यं खल्वयं प्रवादः
“अपात्रे रमते नारी, गिरौ वर्षति माधवः ।
नीचमाश्रयते लक्ष्मीः, प्राज्ञः प्रायेण निर्धनः" ॥[ ] 25 जेण- मोत्तूणमयलदेवं समत्थगुणरयणसायरं एसा ।
अहिलसइ मूलदेवं चोरं जूइ(य)यरं रोरं च ॥
15
20
१. ज. °उ।
D:\mala.pm5\2nd proof
