________________
दाने मूलदेवकथा]
[१३९ राया वि नियपरक्कमनिद्दलियासेससत्तुसंघाओ । पणययणपूरियासो जियसत्तू कप्परुक्खो व्व ॥ अह कामिणीण कामो अन्नाणतमंधयारदिणणाहो । सत्तुवणगहणजलणो बंधवकुमुयाण णिसिणाहो ॥ पणइयणकप्परुक्खो दीणाणाहाण वच्छलो धीरो । नियक[ल]मंदिरदीवो निम्मलजसधवलियदियंतो ॥ नियरूवविभवपरितुलियमयणवेसमणजायमाहप्पो। सव्वकलागमकुसलो सत्थाहो अयलनामो त्ति ॥ सव्वकलापत्तट्ठा रूवाइगुणोहसुरवहुसरिच्छा । नामेण देवदत्ता सुपसिद्धा वसइ वरवेसा ।।
10 जा य, परमोसही विसमसराहिदट्ठाणं, सुरसरिया सेसरमणिनिलयाणं, मियंकलेहा गणियाकुलनहयलस्स, जयपडाया वम्महस्स, आवासमेय(इ)णी समत्थसुहसंदोहस्स त्ति । अवि य- अछिवंतेणमिमीए विहिणा अंगाइं नूण घडियाई ।
जेण करालिट्ठाणं ण होइ एयारिसी सोहा । सुर-विज्जाहर-नरवरजुवईणं रूवसोहलाइ(य)न् । जं जीए आसि तयं घित्तूणं निम्मिया एसा ।। एयाए कडक्खपलोइयाई निक्कारणे वि कुवियाई । तत्ततवाण मुणीण वि चित्ताइं परंमुहीकुज्जा । मणहरकलाभिरामो संपुन्नससि व्व तत्थ परिवसइ । धुत्तेसु परमधुत्तो, जूयारेसुं पि जूयपरो ।। चोरेसु परमचोरो, साहसियनरेसु परमसाहसिओ। विउसेसु सुरगुरुसमो, धम्मव(र)ओ धम्मियनरेसु ॥ रूवीसु पंचबाणो, समणो समणेसु , माइसु वि माई । सरलेसु परमसरलो, कारुणिओ दीणकिवणेसु ॥
१. ह. वार' । २. क. परीसही।
D:\mala.pm5\2nd proof
