________________
दाने मूलदेवकथा]
[१४१ देवदत्ताए भणियं ति
"रूवम्मि णेय मुद्धा नाहं नवजोव्वणम्मि न य दव्वे । णवरं गुणेसु लुद्धा ते य गुणा एत्थ निवसन्ति ॥ जं मूलदेवणाहे निवसइ विन्नाणनाणकोसल्लं ।
तं कत्तो तियसेसु वि विसेसओ सव्वमणुएसु" ॥ जणणीए भणियं-'वच्छे ! न कलाकोसल्लाइएहिं पि ऊणो अयलसामी मूलदेवाओ' । देवदत्ताए भणियं-'अंब ! मा एवं असंजसं पलवसु' । तीए भणियं'वच्छे ! न किंचि वि असमंजसं, अहवा करीउ परिक्खा' । देवदत्ताए भणियं-अंब! सुंदरं पलत्तं, ता गंतूण भणसु अयलं-'देवदत्ताए उच्छुम्मि अहिलासो, तं पट्ठवेसु' । कहिए य अच्चंतनिब्भरेणं णियावियाणि अणेगाणि उच्छ(च्छु) सगडाणि । हरिसियाए 10 भणियं जणणीए–'वच्छे ! पेच्छसु अयलसामिणो दाणसत्ति' । सविसायं च भणियं देवदत्ताए–'अंब ! किमहं करेणुकया, जेणेवं उच्छुपुंजी केज्जइ ?, ता संपयं भणसु मूलदेवं'। भणिओ सो वि । ततो चित्तूण दस कवडियाउ, गहियाओ दो कवडियाहिं दोन्नि पहाणा उच्छुलट्ठीओ, दोहि य दोन्नि णवसरावाणि, सेसाण चाउज्जाययं । निच्छल्लेऊण लट्ठीओ, कयाउ गंडलियाओ, वासियाउ चाउज्जाएणं, विद्धा थूल- 15 सूलाहिं, ठवियाओ सरावसंपुडे समप्पियाओ । देवदत्ताए संजायाणंदाए भणिया जणणी-'पेच्छसु पुरिसाण विन्नाणंतरं !, जेण अयलेण अणेगदव्वविणियोगेण वि न भक्खणारुहाओ कय त्ति । मूलदेवेण पुण्ण दव्वं विणा वि चाउज्जायाइभाविया अछिप्पमाणा एव भक्खणारुहा कय त्ति । ता सच्चं नत्थि विन्नाणाइगुणेहिं मूलदेवसरिसो' । तओ रोसानलपज्जलिया ठिया तुण्हिक्का, मूलदेवस्स छिद्दाणि अन्नेसमाणी। 20 विसयासत्ताण य न दुल्लहाणि छिद्दाणि । अवि य- "कोऽर्थान् प्राप्य न गर्वितो ? विषयिणः कस्यापदोऽस्तं गताः ?
स्त्रीभिः कस्य न खण्डितं भुवि मनः ? को नाम राज्ञां प्रियः ? । कः कालस्य न गोचरान्तरगतः ? कोऽर्थी गतो गौरवं ? को वा दुर्जनवागुरासु पतितः क्षेमेण जातः पुमान् ?" ॥[ ] 25
१. ज. ण० । २. ज. न० । ३. ह. क. मूला। ४. क. ज. °णाओ।
D:\mala.pm5\2nd proof
