________________
दाने शालिभद्रकथा]
[१३५ तओ सालिभद्दगुणावज्जिएहिं तन्नयरवासीहिं इन्भसेट्ठिसत्थवाहाइएहिं उवणीयाओ सव्वालंकारविभूसियाओ से गेहे निरुवम[रूव]लायन्नजोव्वणसिंगारहावभावकलाकोसल्लाइसणाहाओ सव्वालंकारविभूसियाओ बत्तीसं कन्नगाओ । सबहुमाणपत्थणापुव्वयं च भणिओ गोभद्दसिट्ठी तेहिं–'जइ वि सालिभद्दस्स रूवाइगुणेहिं असरिसाओ, तहा वि अम्हाण णेव्वुईनिमित्तं गेण्हेउ एयाण मंगलेहिं करे 5 ति' । पडिवन्नं से वयणं, उव्वूढाओ सव्वाओ वि महाविच्छड्डेणं । एवं ताहिं सह महरिसिदाणाणुभावजणियं धम्मत्थकामसणाहैं विसिट्ठजणसलाहणिज्जं जिणधम्माणुट्ठाणपरंजियलोगसुहमणुहवंतस्स समइक्कंतो कोइ कालो । अन्नया य से जणओ निव्वाहियणिक्कलंकसामन्नो णमोक्कारपरो कयभत्तपरिच्चाओ मओ समाणो जाओ वेमाणियसुरो । तयणुरूवनिव्वत्तियकायव्वो भोगे भुंजिउं पयत्तो । अच्चुक(क)ड- 10 पुन्नाणुभावओ य संपाडेइ से जणओ समीहियं सव्वं ति ।
जम्मंतरमहरिसिदेण्णदाणपुन्नाणुभावओ तियसो। संपाडेइ जहिच्छं कामे स हा हि) तस्स बहुयाई ॥ अणुहवमाणस्स सुहं भज्जाइ समं च वच्चए कालो ।
पुन्नेहिं जणणि-जणया कुणंति सव्वाइं कज्जाई ।। अन्नया आगंतुयवणिएहिं राइणो सेणियस्स उवणीयाणि कंबलरयणाणि । 'अइदुमहग्घाई' ति करिय ण गहियाणि । पच्छा नियगेहे ठियाए भद्दाए सव्वाणि वि गहियाणि । चेल्लणाए य झूरिज्जमाणीए राइणा वाहराविया ते वणिया। पुच्छिएहिं सेटुं जहा सालिभद्दजणणीए सव्वाणि वि गहियाणि । तओ पट्टविया तत्थ पुरिसा । नियत्तेहि य साहियं जहा तक्खणं चिय ताणि भद्दाए फाडिऊण वहूयाणं पायलूहणाणि 20 कयाणि । भणियं च णाए–'जइ पुराणेहिं कज्जं, ता पेसेमि' । एयं सोऊण गाढयरं रुट्ठा चिल्लणा-'एकं पि न गहियं' । विम्हिएण पट्ठविओ पुरिसो राइणा भद्दाए समीवे–'पट्ठवेसु सालिभदं, पुलोएमि कोऊहलेणं, जस्सेरिसी महाविभूई' ।
गंतूण आगओ सो रन्नो साहेइ जंपए भद्दा । 'चंदाइच्चा वि ण मे देठ्ठा पुत्तेण कइया वि ॥
१. ज. "उ। २. ज. करेंति । ३. ज. हिं। ४. ज.
ल । ५. ज. एकं । ६. क. म्हियए ।
D:\mala.pm5\2nd proof
