________________
10
१३४]
[सविवरणं धर्मोपदेशमालाप्रकरणम् खीराईणमभावा पुणरुत्तं पुत्तजायणा हों(हिं)तो । तं रूयमाणी(णि) दट्टण देइ जणो तीए खीराई ॥ तीए वि रंधेऊणं दिन्नो तणयस्स पायसो भाणे । इत्थंतरम्मि पत्तो महामुणी मासखमणम्मि ।। हरिसवसपुलइअंगो तं दटुं संगमो वि चिंतेइ । धन्नो हं जस्सेसो भोयणवेलाए संपत्तो ।। "देसे कालेऽवसरे पत्ते पत्तम्मि मोक्खतण्हाए । सव्वोवाहिविसुद्धं दाणं पुन्नेहि निवडेइ" ॥ ता को वि अणन्नसमो लाभो दाणाउ होहिइ निरुत्तं । इय चिंतितेण इमं दिन्नो से पायसो तेण ।। मुणिणा वि य से भावं नाउं तयणुग्गहाओ सो गहिओ । थालीए जो सेसो भुत्तो सो पायसो तेण ॥ अणुइयबहुभोयणतह-व(द)रिसमणाओ सो चेव तीए इ। रयणीए मरिऊणं रायगिहे गोभद्दवहूइ भद्दाए । उववन्नो सो गब्भे कमेण जायम्मि हरिसपडिहत्थं । जायं सव्वं पि पुरं कयं च वद्धावणं पिउणा ।। सुमिणम्मि फलियसाली दिवो जणणीए तेण से णामं ।
मासम्मि गुरूहिं कयं सुयस्स अह सालिभद्दो त्ति ।। वड्डिओ अणन्नसरिसेहिं रूवाइगुणेहिं, कलाकलावे(वा)इहि य । संपत्तो 20 तिहुयणसलाहणिज्जं जोव्वणं । गेहि च्चिय सरिसवयोवेसेहिं वयंसएहिं सह अभिरमंतस्स
संपत्तो सरओ। जम्मि य, रेहंति कमलायरा, सह रायहंसेहिं । हरिसेज्जंति कासया, सह नडनट्टछत्तेहिं । वियरंति दरियवसभा, सह मत्तमहागएहिं । पसरंति सत्तच्छयपवणा, सह भसलावलीहिं । रेहंति काणणाई, सह सरतडागाइएहिं ति । अवि य
जलपक्खालियविमले रेहइ मैहमंदिरम्मि ससिदीवो। 25 भद्दियविबोहकाले सारयलच्छीए दिन्नो व्व ॥
१. ज. सो° । २. ज. °उ। ३. ज. मह ।
15
D:\mala.pm5\2nd proof
