Page Text
________________
५६]
[ सविवरणं धर्मोपदेशमालाप्रकरणम् भणिओ राया-'देव ! तुह अंतेउरे इत्थीरूवधारिणी मारी परिवसइ । सा डिंभाणि खायइ' । निरूवेंतेणावि जा णेह णाया, ताहे पुणो वि पुच्छिया ते । तेहिं भणियं'महादेवी' । अन्नदियहम्मि पच्चूसे उट्ठियाए प(य)दिट्ठाणि से सयणे डेंभाण करचरणखंडाणि । विलित्तरुहिरवयणा य भणिया राइणा-'अपावे ! किमेवं' ? तीए भणियं-'ण याणामो, मम भागधेयाणि पुच्छसु' । राइणा पुच्छिया मायंगा-किं कायव्वं' ? । तेहिं भणियं-'देव ! अम्हे णिययविहाणेणं वावाएमो' । तओ अणिरूविऊण ताण मायाविलसियं, अप्पिया तेसिं । तेहिं पि अद्धरत्तसमए नीया मसाणं । समाढत्ता भेसेउं। इत्थंतरम्मि कयसंकेओ पत्तो वणियतणओ । भणिय
मणेण–'किमेवं' ? । मायंगेहि भणियं'-'मारे !(रिं) दोक्खमच्चुणा वावाइस्सामो' । 10 वणियसुएण भणियं-'भो ! मा एवमसमंजसं[जं]पह, न एयाए सोमयाए मारी हवइ ।
अन्नं च रूवाणु-गारिणो गुणा' । तेहिं भणियं–'न याणेसि तुम, तुण्हिक्को हवसु' । पुणरवि भणियमणेण–'भो भो ! दव्वं गेण्हेऊण मुयह' । तेहिं भणियं–'कत्तो एयाए पावकम्माए मोक्खो' ? । तेण भणियं-'ममं वावाऊण मुयह एयं । अह अवस्सं
मारेयव्वा, ता पढमं ममं मारेह' । तेहिं भणियं–'ण तुमं वावाएमो, एसा पुण निच्छएण 15 हंतव्वा' । 'जइ एवं, ता अहयं एयाए विणा ण जीवामि' । 'अहो ! अम्हाणं तं
विग्घकारी उवट्ठिओ ! जइ भे असग्गाहो, ता दीणाराण कोडिं दाऊण तत्थ घित्तण वच्चसु , जत्थ ण मुंणामो' । जहाभणियं चाणुट्ठियमणेण । चिंतियं च णाए–'अहो ! महाणुभावो निक्कारणवच्छलो, न एयस्स पच्चुवयारो जीएण वि काउं तीरइ' । आलवणाइहि य आवज्जियं से चेत्तं, णिविट्ठो दइयसद्दो त्ति । अवि य
“अइदंसणाउ पीई, पी[ई ]ए रई, रईए सब्भावो ।
सब्भावेण य नेहो, पंच वि बाणा अणंगस्स" ॥ एवं च तीए सह विसयसुहमणुहवंतस्स समइक्कंतो कोइ कालो । अन्नया रयणीए पेच्छणयदंसणत्थं वच्चंतो विरहभएणं वत्थद्धंते गहिऊण धरिओ । सहासं चेव
भणियमणेण–'कें तयं, किं वा एयं' ! विम्हियाए य निब्बंधेण पुच्छिएण साहिओ 25 सव्वो दंसणाईओ हरणावसाणो पुव्ववुत्तंतो । तीए भणियं-'किं सो तुमं' ? तेण
20
१. क. मायंगेहिं । २. क. संपहाने° °माया । ३. क. ण तुमं वावाएमो, एसा पुण निच्छएण हंतव्वा । ४. क. सुघे । ५. ह. रेइ ।
D:\mala.pm5\2nd proof
| SR No. | 009624 |
| Book Title | Dharmopadeshmala prakaranam |
| Original Sutra Author | N/A |
| Author | Jaysinhsuri, Chandanbalashree |
| Publisher | Bhadrankar Prakashan |
| Publication Year | 2010 |
| Total Pages | 418 |
| Language | Sanskrit |
| Classification | Book_Devnagari & Religion |
| File Size | 2 MB |