________________
दशमः सर्गः ]
अथोत्थितः स वीरेण, काऽसौ ? कोऽसीति भाषितः । उद्बुद्धवदनाम्भोजमरन्दमधुरं वचः ॥१९४॥ ss आस्ते पुरश्रियां सीमा, पुरं श्रीरथनूपुरम् । तस्मिन्नमृतसेनाख्यः, क्षितिपः खेचरेश्वरः ॥१९५॥ अस्ति कीर्तिमती नाम, तस्य कीर्तिमती प्रिया । रत्नमालाऽभिधा बाला, रतिरूपा तयोरियम् ॥१९६॥ हरिणान्दिधराधीशतनुभूरपराजितः ।
अस्या भविष्यति पतिर्ज्ञानिनेति निवेदितम् ॥१९७॥ श्रीषेणनन्दनः शूरकान्तनामाऽस्मि खेचरः । लावण्यलहरीसिन्धुमेनां याचितवानहम् ॥१९८॥ अपराजित एव स्यात्, प्रियो मे हरिणन्दिभूः । प्रविशाम्यथवा वह्नि, चक्रे निश्चयमित्यसौ ॥ १९९॥ अपहृत्य ततः कोपादानीतेयं मया वने । भक्तिभिः शक्तिभिश्चापि चापलादर्थिता भृशम् ॥२००॥ पूरयिष्यामि ते वह्निप्रवेशनियमं ततः । इत्युक्त्वा कृष्टनिस्त्रिंशे, मयि वीर ! त्वमागतः ॥२०१|| वितन्वति कथामित्थं, तत्र विद्याधरे तदा । पितरौ रत्नमालायाः, पुत्रीमीक्षितुमागतौ ॥ २०२॥ मन्त्रिपुत्रगिरा ताभ्यां मत्वाऽयमपराजितः । रत्नमालां रतिमिव, प्रद्युम्नः परिणायितः ॥ २०३॥
विद्याधरः कुमाराय, व्रसंरोहणौषधीम् ।
चिन्तितार्थकरीं दत्त्वा, गुलिकां च क्वचिद् ययौ ॥२०४॥
[ २४१
§§ अथो यथागतं सर्वे, जग्मुस्तौ तु महाशयौ । चिरकालं वने भ्रान्तौ, दिवीन्दु - तपनाविव ॥२०५॥
कुमारः सहकारस्य, तलेऽथ तृषितः स्थितः । ययौ सचिवसूनुस्तु, वारिग्रहणहेतवे ॥२०६॥
१. अवदद् वदना° खंता० ॥ २. निदेशितम् खंता० ॥ ३. ° धरकुमारोऽथ, व्रण' खंता० ॥
D:\maha-k.pm5\ 2nd proof
5
10
15
20
25
