________________
5
10
15
20
25
१५० ]
अथ सुप्तेऽखिले लोके, कुमारं स्त्रीभिरावृतम् । अपश्यज्जाग्रतं सोऽब्जषण्डे कैरवषण्डवत् ॥१५३॥
[ सङ्घपतिचरितापरनामकं धर्माभ्युदयमहाकाव्यम्
प्रभवस्तमुवाचाथ, जम्बूनामानमानतः । स्तम्भनीं देहि मे विद्यां गृह्णन् विद्याद्वयं मम ॥१५४॥ जम्बूस्वामी ततो वाचमाचष्टे स्म शमैकभूः । नास्ति
स्तम्भनी विद्या, त्वद्विद्याभ्यां च किं मम ? ॥ १५५ ॥ काङ्क्षामि यदहं गेहविरहं निरहङ्कृतिः । व्रतं प्रातर्ग्रहीष्यामि, सुधर्मस्वामिसन्निधौ ॥१५६॥
§§ अथाऽऽह प्रभवः श्रीमन्निति प्राभवभाग् भवान् ।
भुनक्ति नैव किं भोगान् ?, व्रताय यतते कुतः ? ॥१५७॥ वरेणेदमथावादि, तथावादिनि तस्करे । सावधानीभवत्कर्णस्त्वमाकर्णय मद्गिरम् ॥ १५८॥ [ मधुबिन्दूदाहरणम् ]
अशरण्यो महारण्ये, सार्थः कोऽपि मलिम्लुचैः । अमुष्यत यथा व्योम्नि, ताराभारः पयोधरैः ॥ १५९॥ सार्थे त्रस्ते समस्तेऽपि, पुमानटविकोटरे । तस्मिन्नेकः स्थितो मूढः, शाखीवोग्रदवोद्धृतः ॥१६०॥ सिन्धुरेणोद्धरेणाथ, समारब्धः स कानने । धावन् मृत्युभयाज्जीर्णकूपे झम्पामयं ददौ ॥१६१॥ तत्रावटतयेद्भूतवटशाखाविनिर्गतम् ।
पादं बन्धुमिवाभीष्टमाश्लिष्टः सोऽन्तरापतन् ॥ १६२॥ अथ कूपतलेऽद्राक्षीत्, करालमुखकोटरम् । क्षणादजगरं कालनगरोदरसोदरम् ॥१६३॥
परितोऽपश्यदाशासु, निराशासु स्थितिश्च सः ।
चतुरो यमनिर्मुक्तान् यामिकानिव पन्नगान् ॥१६४॥
१. प्रभाव खंता० पाता० ॥
D:\maha-k.pm5\ 2nd proof
1
