________________
[ २०१
गुणेषु रागो व्यसनेष्वनादरो, रतिर्नये यस्य दया च दीने । चिरं स भुज्याच्चलचामरांशुकाः, सितातपत्राभरणा नृपश्रियः ॥४५१ ॥ राज्ञा सन्तोषिताः पौराश्चौरातङ्कविवर्जिताः ।
न्यायेन पालिता नित्यं, न कोऽपि पीडितो मनाक् ॥४५२ ॥
पञ्चमः पल्लवः ]
तदा तत्पुरवासिन्यः, प्रजाश्चेतस्यचिन्तयन् ।
अहो प्राक् पुण्यमस्माकं, येनासीदीदृशः प्रभुः ॥४५३॥ इत्थं पालयतो राज्यं, सार्धं भार्याद्वयेन च । तस्यानुभवतो भोगान्, सुखं कालो ययौ बहुः ||४५४।। तत्र जातेषु वर्षेषु, राज्ञः पञ्चशतेष्वथ ।
राज्ञ्यां कनकमञ्जर्यां, सुतोऽभूत् सिंहविक्रमः ॥४५५॥ जातः प्रवर्धमानोऽसौ, पञ्चविंशतिवार्षिकः । द्वासप्ततिकलोपेतो, रूपेणैव जितामरः ॥ ४५६ ॥ पवित्रो विकसन्नेत्रो, महास्कन्धो महाभुजः । दुर्द्दन्तो दुष्टपापिष्ठो, धम्मिष्ठे धनदोपमः ॥४५७|| सर्व्वसौम्यगुणाधारः, कृपासारः क्षमाधरः । प्रवीण पुण्यकार्येषु सर्वविद्याविशारदः ॥४५८॥ षट्त्रिंशदायुधाभ्यासविज्ञो विज्ञानसागरः । मन्त्रतन्त्रादितत्त्वज्ञो, मुख्यो दक्षेषु दानवान् ॥ ४५९।। सिंहविक्रमनामासौ, कुमार सारविक्रमः ।
,
क्रीडन् विविधक्रीडाभिः, कालं नयति लीलया ||४६०॥
अन्यदा रात्रिशेषेऽथ, गतनिद्रः प्रजापतिः ।
नमस्कारं स्मरंश्चित्ते, राज्यं सस्मार पैतृकम् ॥४६१ ॥ चतुर्भिः कलापकम् ॥
प्रभाते मन्त्रिसामन्तादीनाञ्च पुरतोऽवदत् ।
सुतं संस्थाप्य राज्येऽत्र, निजे राज्येऽथ याम्यहम् ॥४६२॥
ईदृशं वचनं श्रुत्वा, प्रोचे परिजनो विभो !।
न बालः शोभनो राजा, स्मृत्युक्तं हि विचारय ॥४६३॥
5
10
15
20
25
