________________
अज्ञातसूरिविरचिता
इय मोहविसं घायइ, निन्वुइकरणा रसायणं धम्मो । मंगलमसियोपसमा, विणीउ गुरु-लहुअचिंताए ॥१४॥ जियअणुकूल फ्याहिण, तिकोडिमुद्धो गुरू अडझो उ । कुमयग्गिणा चिरेण वि, नियफलदाणा तह अकुच्छो ॥१५॥ अविरुद्ध-शुकिरिय-इंतरसुद्धि-दृढत्ताइकरणा धम्मे ।
सुय-सील-तव-दयाई, कस-छेयण-नाव-ताडणया ॥१६॥ महवा
पावट्ठाणनिसेहो, प्राणाइविहीय धम्मकसवट्टो । बाहिरणुद्वाणेण उ, सुद्धिअबाहाइ से छेओ ॥१७॥ जीवाइभाववाओ, बंधाइपसाहओ इहं तायो । धम्मदढत्तं दुहआवईस इह धम्मताडणया |॥१८॥ बाला गईति धम्म, अवियारिय साउ मोअगं पिव जे । तप्पंति कणगगाहि व्व, ते तओ सोउमिय कुमरो ॥१९॥ वेरागभावियमणो, पडिबुद्धो तस्स मूरिणो पासे । पडिचन्नो जइधम्म, वज्जिय सव्वं पि सावज ॥२०॥ सो गहियदुविहसिक्खो, धारेउं दुद्धरं पि ययभारं । समयम्मि वट्टमाणं, अहिजिओ आगमं सयलं ॥२१॥ संघस्साणुन्नाए, गुरुणा सो ठाविओ गणहरत्ते । भषियारविंदभाणू, जहाविहिं विहरइ महीए ॥२२॥ देविंदनमियचलणो, जुगप्पहाणो कमेण संवुत्तो । पंचसएणं साहूण, परिवुडो सयलसंघबई ॥२३॥ तस्सेस लहुयभइणी, सरस्सई कन्नगा वि जइधम्म । पडिबन्ना संजाया, पवत्तिणी तस्स गच्छम्मि ॥२४॥ सो कुमयकरडिसीहो, पुरीमवंती कयाइ संपत्तो । तम्भइणी वि सरस्सइ, [तत्थेव ?] सुसाहुणीसहिया ॥२५॥ तन्नयरसामिणा गद्दभिल्लरमा अहन्नया दिहा । अह संकिलिडचित्तोहएण सो चिंतए एवं ॥२६॥ नइ इंत! इमा वि वयं, करेइ परिचित्तरइसहा चाला । तो विहलपुरियारो, कह अज्ज वि वम्महो जियइ ? ॥२७॥ इच्चाइ चिंतयंतो, मणयानलदड्ढगुरुविवेयदुमो । धेनुं हटेण अंतेउरम्मि तं साहुणिं खिवइ ॥२८॥ पोकरइ ददं च इमा, नयणमुपवाइसित्तधरणियका । विलवह य हा सहोयर !, हा पवयणनाइ ! मुणिसीह ! ॥२९॥
"Aho Shrutgyanam"
