________________
हेमचन्द्रसूरेः कुमारपालं प्रति सद्बोधः
१९
गुज्जर विसमुत्तुं मा कुणसु विहारमन्नदेसेसु । काहिसि परोवयारं जेणित्थठिओ तुमं गरुयं ॥ तो तीए वयणेणं देतर विहरणाउ विणियत्तो । चिgs इहेव एसो पडिबोहतो भवियवग्गं ॥ बुहयणचूडामणिणो भुवणपसिद्धस्स सिद्धरायस्स सयपसु सव्वेसु पुच्छणिज्जो इमो जाओ ॥ एअस्स देसणं निसुणिऊण मिच्छत्तमोहियमई वि । जयसिंहनियो जाओ जिणिदधम्माणुरत्तमणो ॥ तत्तो तेणित्थ पुरे रायविहारो कराविओ रम्मो । चउजिणपडिमसमिद्धो सिद्धविहारो य सिद्धपुरे ॥ जयसिंहदेववयणाउ निम्मियं सिद्धहेमवागरणं । नीसेससद्दलक्खणनिहाणमिमिणा मुर्णिदेण ॥ अमओवमेयवाणीविलासमेयं अपिच्छमाणस्स । आसि खणं पि न तित्ती चित्ते जयसिंहदेवस्स || तो जइ तुमं पि वंछसि धम्मसरूवं जहट्ठियं नाउं । तो मुनिपुंगवमेयं पुच्छसु होऊण भत्तिपरो ॥ इय सम्मं धम्मसरूवसाहगो साहिओ अमखेणं । तो हेमचंदसूरिं कुमरनरिंदो नमइ निचं ॥ सम्मं धम्मसरूवं तस्स समीवंमि पुच्छर राया । सियागमत्थो मुणिनाहो जंपए एवं ॥ भवसिंधुतरीतुलं महल्लकल्लाणवल्लिसंकुलं । कयसयलसुहसमुदयं जीवदयं चिय मुणसु धम्मं ॥ आउं दीहमरोगमंगमसमं रूवं पगिट्ठं बलं,
सोहां तिजगुत्तमं निरुवमो भोगो जसो निम्मलो । आएसेकपरायणो परियणो लच्छी अविच्छेइणी,
होज्जा तस्स भवंतरे कुणइ जो जीवाणुकंपं नरो ॥ नरयपुर सरलसरणी अवायसंघायवग्घवणघरणी । नीसेसदुक्खजणणी हिंसा जीवाण सुहहणणी ॥ जो कुणइ परस्स दुहं पावइ तं चैव अनंतगुणं । लब्भंति अंबयाई नहि निंबतरुमि ववियंमि || जो जीववहं काउं करेइ खणमित्तमत्तणो तिति । छेयणभेयणपमुहं नरयदुहं सो चिरं लहइ || जं दोहम्गमुदर्गागं जं जणलोयणदुहावहं रूवं ।
"Aho Shrutgyanam"
