________________
तह अभिन्नो जामो लोगो दुब्भिक्खदुक्खस्स || परचकचरडचोराइविश्वा दूरमुवगया सव्वे | न फुरंति धूयपमुहा मेहच्छन्ने वि दिणनाहे ॥ इय तस्स जम्मदियहे जायाई दिसामुहाई विमलाई । देवगुरूवंदणेण धम्मत्थीणं मणाई व ॥ हरिसजणणो जणाणं सुयणो व्व समीरणो समुल्लसिओ । रयपसमणं निवडियं गुरूण वयणं व गंधजलं ॥ भवणमि कुसुमवुट्ठि सुसामितुट्टी व् सेवए जाया । कवगुणोव्व सहियए फुरिओ गयणंमि तूररवो ॥ एसो परिओसकरो बालत्तणओ वि अमयघडिअोव्व । रयणं व कराओ करं संचरिओ सयललोयस्स ॥ संपइ इमस्स चित्तं न रमइ अन्नत्थ वज्जिडं धम्मं । माणससरंमिमुत्तं हंसस्स व पल्ललजलेसु || गुरुणा वृत्तं जुतं जं कुणइ इमो चरित्तपडिवत्ति । जेण सो परमत्थो जणणीदिट्ठस्स सुविणस्स ॥ गहिऊण वयं अवगाहिऊण नीसेससत्थपरमत्थं । तित्थंकरो व्व एसो जणस्स उवयारयो होही ॥ वत्तो इमस्स जणयं चचं नामेण भगह तो तुम्भे । अह चंगदेवमेयं वयगहणत्थं विसज्जेइ || सो बहुसिणेहजुत्तो बहुपि भणिओ विसञ्जइ न पुतं । तत्तो पुत्तो वि दढं कउज्जमो संजमग्गहणे ॥ मालयअणुमयं गिव्हिऊण ठाणंतरम्मि संचलिओ । गुणगुरुणा सह गुरुणा संपत्तो खंभतित्थम्मि || तत्थ पवनो दिक्खं कुणमाणो सयलसंघपरिओसं । सो सोममुहो सोमो व्व सोमचन्दो त्ति कयनामो ॥ वेण वि कालेन काऊण तवं जिणागमुद्दिहं । गंभीरस्स वि सुयसागरस्स पारंगओ एसो ॥
समसमयअसंभवगुणोहकलिओ विभाविडं हियए । सिरिदेवचंद्गुरुणा एसो गणहरपए ठविओ ॥ हेमसमच्छविदेहो चंदो व्व जणाण जणियआनंदो । तत्तो इमो पसिद्धो नामेणं हेमचंदो त्ति || निधं सहावउचियसमग्गलोओवयार कयचित्तो । सो देवया वत्तो विहरतो विविहदेसेस ॥
"Aho Shrutgyanam"
