________________
सीसो खमग्गलग्गो तस्सासी देवचंदसूरित्ति । चंदेण व दियराएण जेण आणंदियं भुवणं ॥ कयसुकयकुमुयबोहा चउरबठरप्पमोयसंजणणी। संतिजिणचरित्तकहा जुण्हव्व वियंभिआ जत्तो ॥ जे ठाणएसु ठविया पज्जुन्नमुणीसरेण धम्मदुमा। काऊण ताण विवई ते जेण लहाविआ वुद्धिं ।। जस्ल चलणारंविंदं चरित्तलच्छीविलासवासहरं । मुणिभमरेहिं अमुकं जिणमयमयरंदलुद्धेहिं ॥ सो विहरंतो महीमंडलम्मि खंडियपयंडभावरिऊ। सयलभुवणेकबंधू धंधुक्कयं पुरवरं पत्तो ॥ सो तत्थ पणमणत्थं समागयाणं जणाण पउराणं । संसारासारत्तणपयासणिं देसणं कुणइ ॥ तं सोउं संविग्गो सरीरसुंदेरविजियसुरकुमरो। एक्को वणियकुमारो कयंजली भणिउमाढत्तो।। भयवं! भवण्णवाओ जम्मजरामरणमरणलहरिहीरंतं । मं नित्थारसु सुचारित्तजाणवत्तपयाणेण ॥ गुरुणा वुत्तं बालय ! किनामा कस्स वा सुओ तंसि । तो तस्स माउलेणं पयंपिअं नेमिनामेण ।। भयवं इहत्थि हत्थि व्व मोढकुलविंझसंभवो भहो । कयदेवगुरुजणचो चञ्चो नामा पहाणवणी॥ निम्मलकुलसंभूया भूरिगुणाभरणभूसियसरीरा । तस्सत्थि गेहिणी चाहिणि त्ति सा होइ मह बहिणी ॥ जीए विमलं सीलं 8 लज्जाए चंदमा निन्छ । चरमजलहिम्मि मज्जइ कलंकपक्खालणत्थं व ॥ ताणं तणओ एसो निरुवमरूवो पगिट्रमइविहवो । भुवणुद्धरणमणोहरचिंचइओ चंगदेवो त्ति ॥ गब्भावयारसमए इमस्स जणणीए सुविणए दिट्ठो। नियगेहे सहयारो समुग्गओ वुड्डिमणुपत्तो ।। जापुप्फफलारंभो तत्तो मुत्तूण मंदिरं मज्झ । अन्नत्थ महारामे मणाभिरामे इमो पत्तो॥ छायाए पल्लवेहि कुसुमेहिं फलेहिं तत्थ पवरेहिं । बहुयजणाणं एसो उवयारं काउमाढत्तो ॥ गब्भगए वि इमिस्सि इह देसे नट्रमसिवनामं पि।
हेमचन्द्रस्य वृत्तान्तः
"Aho Shrutgyanam"
