________________
६
काहं ति तेन विहिया वयगहणदिणे श्चिय पन्ना || सुयसागरपारगओ सूरिपयं पाविऊण जसभहो । भुवणे चिरं विहरिओ पडिबोहन्तो भवियवगं ॥ ससमय पर समयविऊ समए तेणावि नियपए ठविओो । निज्जियपज्जुन्नभडो पज्जुन्नो नाम वरसूरी ॥ अह जस्सभद्दो सूरी तिव्वतवसरणसोसियसरीरो । नियपरिवार समेयो आरूढो उज्जयंतगिरिं ॥ रेवयगिरिंदमउडं व सुकयलच्छीविलासकमलं व । भावजलहिजाणवत्तं व जिणहरं गणहरो पत्तो ॥ नमिऊण नेमिनाहं पमज्जिर्ड निवसिऊण तस्स पुरो । पज्जुनसूरिपमुहं नियपरिवारं भणइ एवं || रागोसविमुको चिरसेवियनाणदंसणचरित्तो । निच्छयनएण तित्थं अप्पक्षिय बुच्चए जइ वि !! तह विहु ववहारनयेण जो पएसो पणट्ठपावाण । तित्थकराण पहिं फरिसिओ सो परं तित्थं ॥ इह दिक्खापडिवत्ती नाणुप्पत्ती विमुत्तिसंपत्ती । नेमिस्स जेण जाया तेणेसो तित्थमुज्जितो ॥ अन्नत्थ वि मेल्लिस्सं निस्संदेहं दुहावहं देहं । तत्तो वरं पसत्थे तित्थे इत्थे वि मेलेम्मि ॥ इय भणियं पञ्चक्खइ जिणपचक्खं चउव्विहाहारं । वारंतस्स वि पज्जुन्नसूरिणो सपरिवारस्स || चउमासोवविट्ठो परिचत्तसमत्तगत्तपरिकम्मो | सिरिनेमिनाहपडिमामुहपंकयनिहियनयणजुओ ॥ सव्वत्थ विरागदो सवज्जिओ परमतत्तलीणमणो । मुणिपुंगवमुणियागमसवणसमुल्लसियसंवेगो ॥ पुव्वमहारिसिमग्गो दूसमसमये वि सेविओ सम्मं । तेरसदिणावसाणे पत्तो तियसालयं सूरी ॥ ततो पज्जुनगुरू वियरंतो सयलसंघपरिओसं । सुत्तत्थपयडणपरो परोवयारं चिरं कुणइ || सतहो सुइमुहओ वाइज्जंतो समगलोएण । ठाणयपगरणरूवो जस्सन्न वि फुरइ जसपडहो || तस्स गुणसेणसूरी सीसो वरसंजमुज्जओ जाओ । जस्स गुणचिय पाणा अंतररिउवग्गनिग्गहणे ॥
"Aho Shrutgyanam"
