________________
नवपाउसनरवइरज्जघोसणार्डिडिमो व्व सव्वत्थ । अग्गवियविसमबाणो वियंभिओ मेहगजिरवो ॥ निवडंति माणिणीमाणखण्डणे विलसमाणसत्तीओ। अस्सि जलधाराओ अणंगसरधोरणीउ व्व ।। तम्सि चरि (?) खित्तेसु नरवइणा वावियाई धन्नाई। तेसि देसणहेउं कयावि राया विणिक्खन्तो ।। तम्मि समए करिसगेहिं धनं मज्झाओ पुध्वमुवखणिउं । पुंजीकएसु निप्फलतणेसु पज्जालिओ जलणो ।। तत्थ जलगेण डझन्तविम्गहं गब्भनिन्भरं भुयगि । दटुं संविग्गणं रन्ना परिभावियं एयं ।। अहह इमो घरवासो परिहरणिज्जो विवेयवंताणं । बहुजीवविणासकरा आरंभा जत्थ कीरन्ति ॥ एवं संविग्गमणो राया नियमंदिरम्मि सम्पत्तो । हक्कारिऊण पुच्छइ एगते सावयं एगं ॥ संपइ सिरिदत्तगुरू गुणवन्तो कत्थ विहरइ पएसे । सो कहइ डिंडुयाणयपुरंमि मणिपुङ्गवो अस्थि ॥ तो राया रयणीए कस्स वि अनिवेइऊण निक्खंतो। तुरयंमि समारुहिऊण डिंडुयाणयपुरे पत्तो ॥ सिरिदत्तगुरुं नमिऊण तस्स कहिऊण निययवुत्तंतं । जंपइ संपइ काउं अणुग्गहं देहि मह दिक्खं ॥ गुरुणा वुत्तं जुत्तं उत्तमसत्तस्स तुज्झ नरनाह !। रजं तणं व मुत्तुं करेसि जं संजमग्गहणं ।। नहि संजमाउ अन्नो संसारुच्छेयकारणं अत्थि । नवजलहरं विणा किं निव्वडइ दवानलं को वि ।। रना अणप्पमुल्लं एक एक्कावलि समप्पेउं । जिणधम्मनिम्मलमणा पयंपिआ सावया एवं ॥ कारवह जिणाययणं इमीए एकावलीइ मुल्लेण । तेहिं वि तह त्ति पडिवजिऊण तं झत्ति कारवियं ॥ तं अस्थि तत्थ अज वि चउवीसजिणालयं जिणाययणं । पुन्नं व मुत्तिमंतं जसभहनिवस्स जं सहइ ।। रन्ना पुण पडिवन्ना सिरिदत्तगुरुस्स चलणमूलम्मि । अंतररिउवहदक्खा दिक्खा निसियाऽसिधारव्व ।। एगंतरोववासे जाजीवं अंबिलं च पारणए ।
"Aho Shrutgyanam"
