________________
जेण तुरएहि जगझंपणुत्ति कित्ती जए पत्ता ॥ तत्तो दुल्लहराहो राया समरंगणंमि जस्स करे । करवालो छज्जइ जयसिरीइ मयणाहितिलओव्व ॥ तयणु जयसिंहदेवो पयंडभुयदंडमंडवे जस्स । कित्तिपयावमिसेणं चिरकालं कीलियं मिहुणं ॥ तम्मि गए सुरलोयं काउं व सुरेसरेण सह मित्तिं । कमलवणं व दिणिदे अत्थमिए मउलियं भुवणं ।। तत्तो पहाणपुरिसा नियमइमाहप्पविजियसुरगुरुणो ।
रजमणाहं दर्दु जंपति परुप्परं एवं ॥ कुमारपालस्य आसि सिरिभीमएवस्स नंदणो जणियजणमणाणंदो। राज्याभिषेकः कयसयलखोणिखेमो नामेणं खेमराउत्ति ॥
तस्स तणओ तिणीकयकंदप्पो देहसुंदरत्तेण । देवप्पसायनामो देवपसायणपहाणमणो॥ तस्संगरुहो गरुओ पररमणिपरंमुहो महासूरो। तियससरिसरिसकित्ती तिहुयणपालो त्ति नामेण ॥ तस्स सुओ तेयस्सी पसनवयणो सुरिंदसमरूवो। देवगुरुपूयणपरो परोवयारुजओ धीरो॥ दक्खो दक्खिन्ननिही नयवंतो सव्यसत्तसंजुत्तो। सूरो चाई पडिवनवच्छलो कुमरवालो त्ति ॥ एसो जुग्गो रजस्स रज्जलक्खणसणाहसध्वंगो । ता झत्ति ठविजउ निग्गुणेहिं पजत्तमन्नेहिं ॥ एवं परुष्परं मंतिऊण तह गिहिऊण संवायं । सामुहियमोहुत्तियसाउणियनेमित्तियनराण ॥ रज्जमि परिट्ठविओ कुमारवालो पहाणपुरिसेहिं । तत्तो भुवणमसेसं परिओसपरं व्व संजायं ॥ तुट्टहारदंतुरियघरंगण नञ्चियचारुविलासपणंगण । निन्भरसहभरियभुवणंतर वज्जियमंगलतूरनिरंतर ॥ साहियदिसाचउक्को चउव्विहोवायधरियचउपन्नो।
चउवग्गसेषणपरो कुमरनरिंदो कुणइ रज ॥ कुमारपालस्य धर्म- अह अन्नया वियड्ढे बहुणो बहुधम्मसत्थनाणड्ढे । स्वरूपजिज्ञासा । विप्पपहाणे हक्कारिऊण रन्ना भणियमेवं ॥
करितुरयरहसमिद्धं नरिंदसिरिकुसुमलीढपयवीढं । लंघियवसणसहस्सो संपत्तो जं अहं रज्जं ॥
"Aho Shrutgyanam"
