________________
अणहिलपुरनृप - वर्णनम् ।
ઢ
APPENDIX I
अत्थि महीमहिलाए मुहं महंतं मयंकपडिबिम्बं । जंबुद्दीवछलेणं नहलच्छि दद्रुमुन्नमियं ॥
तुंगो नासावंसोव्व सोहए तियसपव्वओ जत्थ । सीयासीओयाओ दीहा दिट्ठीओ व सहति ॥ तत्थारोवियगुणधणुनिभं नलाडं व भारहं अस्थि । जत्थ विरायइ विउलो वेयड्डो रययपट्टो व्व ॥ जं गंगसिंधुसरियामुत्तियसरियाहि संगयं सहइ । तीरवणपंतिकुंतल कलावरेहं तपेरंतं ॥ तत्थत्थि तिलयतुलं अणहिलवाडयपुरं घणसुवनं । परंतमुत्तियावलिसमो सहइ जत्थ सियसालो || गरुओ गुज्जरदेसो नगरागरगामगोउलाइन्नो । सुरलोयरिद्धिमयविजयपंडिओ मंडिओ जेण ॥ जम्मि निरंतरसुरभवणपडिमण्हवणंबुपूर सित्तव्त्र । सहला मणोरहदुमा धम्मियलोयस्स जायंति ॥ अरथ सहति सुवन्ना कंचणकलसा य सुरघरसिरेसु । गयणभमखिन्न निसण्णखयरतरुणीण पीणथणा ॥ अब्भंलिहसुरमंदिरसिरविलसिरकणय के यणभुएहिं । नव व जत्थ लच्छी सुट्ठाणनिवेसहरिसवसा ॥ जत्थ मणिभवणभित्तीसु पेच्छिउं अत्तणोवि पडिबिंबं । पडिजुवइसंकिरीओ कुप्पंति पियेसु मुद्धाओ || जम्मि महापुरिसाणं धणदाणं निरुवमं निएऊण । अजहत्थनामओ लज्जिओ व्व दूरं गओ धणओ ॥ जस्सि समच्छरमणा जलासया न उण धम्मियसमूहा । कमलोवकारया सूररस्सिणो न उण सप्पुरिसा ॥ जत्य रमणीण रूवं रमणिज्जं पेच्छिऊण अमरीओ । लजंतीमो चिंताइ कहवि निहं न पावंति ॥ सत्यासि मूलराओ राया चोलुक्ककुलनहमयंको । जणिया जणाणुकूला मूलेण व जेण नीइलया ॥ जसपुंडरीय मंडलमंडियबंभंडमंडवी तत्तो । खंडिय विपक्खमुंडो चंडो चामुंडरायनिवो ॥ ततो बलराम राया रइवलहो व्व रमणिजो ।
"Aho Shrutgyanam"
