________________
गा.-१३
बन्धशतकप्रकरणम्
भा०पुव्विल्लमए मिच्छे सासे सम्मे य जोग तेरसगं । इहई तु पमत्ते विय तेरसगं तत्थ जे पुव्वा ॥१२१॥
एक्कारस ते सहिया वेउव्विदुगेण तेरस हवंति । देसविरयाइयाण वि एत्थ मए होइ वेउव्वं ॥१२२॥ मीसे दस ते चेव य तह पणसगमाइ बारसंतेसु । जे पुव्वं सत्तसु नव भणिया ते चेव इहई पि ॥१२३॥ देसजयमप्पमत्तं मोत्तुं सेसेसु पंचसु गुणेसु । नव हुंति तहा दोसु एक्कारस तत्थ देसगुणे ॥१२४॥ वेउव्वियदुगजुत्ता पुव्विल्ला नव हवंति एक्कारा । अपमत्तसंजयस्स उ ते नव साहारवेउव्वा ॥१२५॥ हुंतिकारसजोगा भावत्थोयं विउव्वमाहारं । कुव्वंतो आरंभे ऊसुगचित्तो हवइ जीवो ॥१२६॥ तत्तो होइ पमत्तो इय अपमत्ते विउव्विसंमीसं । आहारमीसयं पि य न होइ तस्स उ समत्तीए ॥१२७॥ ऊसुगभावनियत्तो एयम्मि मयम्मि होइ अपमत्तो । तम्हा जुत्ता अपमत्तयाण वेउव्वआहारा ॥१२८॥ एगम्मि वि जोगगुणे जोगा सत्तेव हुंति पुव्वुत्ता । गुणठाणगेसु एवं इय जोगविही इमो नेओ ॥१२९॥ जप्पच्चइओ बंधो इइ दारं इय पयम्मि किर जेहिं । सामन्नपच्चयेहिं हेऊहिं कारणेहिं इइ ॥१३०॥ तदेवं 'उवओगा जोगविही जेसु अ ठाणेसु जत्तिया अत्थि'त्ति, एतावत्प्रथमद्वारगाथायां व्याख्यातम्, साम्प्रतं "जप्पच्चइओ बंधो" इत्येतद् व्याख्यानयन्नाह
