________________
बन्धशतकप्रकरणम्
तिरिसु चउद्दस जेणं इगविगलपणिदिया सभेयावि । सव्वे वि अस्थि दो गइतिगम्मि पज्जेयरो सन्नी ॥३५॥ एत्थ गइइंदियाई चोद्दस ठाणेण नो कओ विवरो । यावट्ठिभेयभिन्नो संखित्तत्तेण (य) गइस्स ॥३६॥ एत्थ समासट्ठाणगसद्दो संखेवठाणपज्जाओ । तेण य एत्थ उ पत्थावओ य जियठाणगाभिमया ॥३७॥ जेणं चउद्दसेहि वि एएहि अणंतयाण वि जियाणं । संखिविऊणं भणणं कयंति अह इह गईचउगे ॥३८॥ सुत्तगरेणं जीवा सुत्ते वि विचिंतिया तयणुसारा । सेसिदियमाईसुं मग्गणठाणेसु तेरससु ॥३९॥ जहसंभवमवसेया समईए चिंतिऊण जियठाणा । तत्थेगिदियजीवाण आइमा चउजियट्ठाणा ॥४०॥ बितिचउरिदिसु दो दो अंतिमचउरो पणिदिसु हवंति । थावरपणगे पढमा चउरो चरमा दस तसेसु ॥४१॥ विगलतियसन्नसन्नी पज्जत्ता पंच हुंति वयजोए । मणजोगे सन्नेको पुरिसिथिवेए चरमचउरो ॥४२॥ काओगि नपुंसकसायमइसुयऽन्नाणअविरयअचक्खू । आइतिलेसाभब्वियरमिच्छआहारगं सव्वे ॥४३॥ मइसुयओहिदुगविभंगपम्हसुक्कासु तिसु य सम्मेसु । सन्निम्मिय दो ट्ठाणा सन्निअपज्जत्तपज्जत्ता ॥४४॥ मणपज्जवकेवलदुग-संजयदेसजइमीसदिट्ठीसु । सन्नीपज्जो चक्खुम्मि तिन्निछप्पज्जियरचरमा ॥४५॥ सत्त उ सासाणे बायरा अथ अपज्जसन्निपज्जो य । तेउल्लेसे बायरऽपज्जत्तो दुविहसन्नी य ॥४६॥
