________________
बन्धशतक प्रकरणम्
विउसेणं जइयव्वं मोक्खकए सोवि होइ कम्मखया । सो पुण बंधावगमे बंधावगमो जियायत्तो ॥ १५॥ जीवा उवयोगाईहिं लखियव्व त्ति तो भणड़ पढमं । उवओगातो तल्लक्खणो वि जीवोत्थ सव्वाओ ॥ १६ ॥ किरियाओ जोगेहिं कुणइ तओ जोग' भणणमह तेवि । सामन्नबंध पच्चयजुत्ता तेसिं अओ भणणं ॥१७॥ ते पुण विसेसबं धप्पच्चयसहियत्ति होइ तब्भणणं । तेहिं जियाण" कम्माण होइ बंधो त्ति तं भणइ ॥१८॥ तम्मि "उदयोदीरण" तओ य तिन्हं पि तेसि 'संयोगो । सामन्नभणियमत्थं पुणो विसेसेण भणियव्वं ॥१९॥ इय कारणओ 'पगईठी अणुभाग "प्पएसओ चउहा । बंधं भणइ तओ इह बारस दारा इमे हुंति ॥२०॥ पंजलनाएण इहं पढिज्जमाणासु दारगाहासु । नव चेव दुवाराई लक्खिज्जंती पुणो विवरे ॥२१॥ चउहा कयम्मि हुंती बंधविहाणस्स बारस दुवारा । अह पढमे दारदुगे किंचि विसेसं पवक्खामि ॥२२॥ उवओगा जोगविहि त्ति दारदुगमेत्थ सुत्तगारेण । अट्ठहि ठाणेहि इगारसहिं गाहाहि भणियंति ॥२३॥ तहि पढमे जियठा'णा' दुइए ठाणम्मि मग्गणेसु जिया । जीवेसुं उवओगा तइयट्ठाणे तह जिएसु ॥२४॥ जोगा" य वन्निया तुरिययम्मि ठाणम्मि पंचमम्मि पुणो । गुणठाणगाइ तह मग्गणेसु गुणठाणगा छट्ठे ॥२५॥ सत्तमम्मि गुणेसुं उवओगा हुंति तह गुणेसु विय । 'जोगा पदसिया अट्ठमम्मि ठाणम्मि इह सुत्ते ॥२६॥
गा.-२-३
१६
