________________
गा.-७९
बन्धशतकप्रकरणम्
एएसु सम्ममिच्छा उवचियठिठाणपगइसंकमणे । मंदज्झवसाओ मंदबंधजोगो उ संभवइ ॥६७४॥ तह अपमत्ताईया सुविसुद्धा सायमेव बंधंति । ते तत्थ पभूयरसं करंति जावेस किर मिच्छो ॥६७५॥ केवलमसायकिट्ठो विहेइ सो विय पभूयअणुभावं । अइकिट्ठत्ता पकड़ तह वेयणियस्स दुविहस्स ॥६७६॥ जहन्नठीबंधगेसु एगिदियाइसु वि जहन्नअणुभागे । नो बंधो संभवइ तहविहपरिणामविरहाओ ॥६७७॥ अथिरासुभाजसाण वि जई पमत्तो विहेइ मंदरसं । इह भावणिया पायं वेयणियस्सेव सव्वावि ॥६७८॥ चउगइया मिच्छजिया तेवीसं पुव्वभणियपगईओ । मंदरसा पकरंतो तत्थ नराणं दुगस्सेह ॥६७९॥ उक्कोसठिई पनरस कोडाकोडी तहा पसत्थगई । सुसराएज्जं सुभगं गोउच्चं आइसंठाणं ॥६८०॥ आइमसंघयणं खलु एयासि दसेव कोडिकोडीओ । एया सुभपयडीओ एयासिमुक्कोसगठिईणं ॥६८१॥ आरब्भ विपखगपयडियाहिं परियत्तिऊण सह ताओ । बज्झंती जावेयासिमेव पडिवक्खपयडीणं ॥६८२॥ सव्वजहन्ना अंतो कोडाकोडीओ लक्खणा य ठिई । ठिट्ठाणेसुं सव्वेसु सययपरियत्तमाणेण ॥६८३॥ मज्झिमपरिणामेणं बंधइ एयासि मंदअणुभागं । छेवट्ठहुंडवामणकीलियउक्किट्ठगईओ ॥६८४॥ आरब्भि य परवित्ती लब्भइ जावप्पणो जहन्नलिई । एवं सेसेसु वि भावणेह सव्वत्थ कायव्वा ॥६८५॥
२४४
