________________
गा.-७६
बन्धशतकप्रकरणम्
ठीईए बंधकाले बंधती सेसआउयतिगस्स । सुभपयडित्ता किट्ठा तिरियनरा बंधयंति रसं ॥६३०॥ मंदं नरगदुगस्स उ सुविसुद्धा मंदठिइइ बंधस्स । समयंमि असुभमत्ता मंदरसत्तं निवत्तंति ॥६३१॥ देवदुगस्स सुभत्ता उक्किठिइएव बंधकालम्मि । तप्पाओगकिलिट्ठा मंदणुभागं निवत्तंति ॥६३२॥ अइसंकिट्ठो नरगाइजोगयं बंधईय तेणं तु । तज्जोगकेसगहणं एवं अन्नत्थविय नेय ॥६३३॥ विउविदुगस्स सुभत्ता नरगइबंधेण सहिय उक्कोसं । ठीबंधंतो मंदं रसं निवत्तेइ विगलतिगं ॥६३४॥ सुहुमतिगंपिऽसुभत्ता बंधती तप्पओगसुविसुद्धा । भणिया सोलस पयडी सुरनारगतमतमा तिन्नि ॥६३५॥ इय सत्तस्स अमत्थो तिन्नी सुरनारगा तहा तिन्नि । तमतमगा संबंधो इय पत्तेयं हवइ कज्जो ॥६३६॥ तत्थ य सुरनेड्या उरलदुगुज्जोय तिन्नि पगईओ । उक्किट्ठसंकिलेसे वटुंता तिरियगइजोगे ॥६३७॥ बंधंतो मंदरसा कुव्वंती किं तु सणकुमाराई । उरलं अंगोवंगं बंधंति सुरा न हिट्ठिमगा ॥६३८॥ ते उक्किट्ठकिलेसे वटुंता एगअक्खजियजोगा । बंधंति इगिदीणं अंगोवंगं न संभवइ ॥६३९॥ तो अंगुवंगअसंभवाओ मंदे रसंमि तव्विसए । बंधो न घड निययं ईसाणंताण देवाणं ॥६४०॥ तह एवं पयडितिगं तिरिगइपाओगबंधसहचरियं । मंदरसं बज्झइ तिरिनरा उ एयप्पमाणम्मि ॥६४१॥
