________________
गा.-५४
बन्धशतकप्रकरणम्
उवसंतमपत्ताणं बंधच्छेया अभावओऽणाइ । अभवजियाण धुवो भवजीवाणं हो अधुवबंधो ॥३८४॥ जहन्नुक्कोसियरतिगे आऊहीणाण सत्तकम्माण । साईअधुवो बंधो तत्थ य मोहस्स किल खवगो ॥३८५॥ नवमगुणी चरिमम्मि ठिइबंधे जहन्नबंधओ होइ । सो पुण अबद्धपुव्वो अजहन्नबंधाउ अवयरिउं ॥३८६॥ तप्पढमतया तम्मि समयम्मि चेव बज्झई साई । तो हवइ खीणमोहो पुण न भवइ तो अधुवबंधो ॥३८७।। उक्कोसबंधगो पुण सुसंकिलिटुंम्मि मिच्छदिट्ठिम्मि । पज्जत्तसन्निपंचिंदियम्मि लब्भइ अणुक्कस्सा ॥३८८॥ बंधा अवयरिय कयाइ बज्झई तेण सो भवे साई । अंतमुहुत्ता उवरि अणुक्कसं बंधओ अधुवो ॥३८९॥ अणुक्कोसबंधगो पुण उक्कोसा पडियणुक्कसं पुण वि । बंधंतो साई तो जहन्नेणं अंतरमुहुत्ता ॥३९०॥ उक्कोसओ अणंतयकालाबंधतयस्स उक्कस्सं । न भवइ अणुक्कसो तो अधुवो सेसं दुगं न भवे ॥३९१॥ आउचउक्के जहन्नप्पभिईबंधो चउव्विहोवि इहं । होइ जहन्नेणाउयतिभागमाइम्मि पडिनियए ॥३९२॥ कालम्मि चेव संबज्झमाणभावाउ तो भवे साई । अंतमुहुत्ता उवरि उवरमए तो भवे अधुवो ॥३९३॥ एत्तो उत्तरपयडिसु सायाईवन्नणं तहिं च पयं । साम्प्रतमुत्तरप्रकृतीनां साद्यादिप्ररूपणामाह
१७५
