________________
गा.-५२
बन्धशतकप्रकरणम्
सोलस कसाय चत्ता नपुंसअभयसोगदुगुच्छा । नरयतिरिदुइगपणिदियतसथावरअथिरपज्जत्ते ॥३३४॥ वेउव्वोरालदुगे नव नामधुवे उ सासपरघाए । उज्जोयासत्थगई आयवणाएज्जदूसरए ॥३३५॥ बायरदूभगअसुभा पत्तेयं अजसनीयवीसेसिं । छेवट्ठहुंडसहिया तेयालाए स नायव्वा ॥३३६॥ देवदुगं थिरसुभगं सुहसुस्सराएज्ज तहय जसकित्ती । हासरईपुंवेए सत्थगई उच्चगोए य ॥३३७॥ संघयणे संठाणे पढमे दस अयरकोडकोडीओ । बारस चोद्दस सोलस बियतियचोत्थ त्ति एएसि ॥३३८॥ वामणकीलियबियतियचउरिदियजाइ एसि उक्कोसा । साहरमपज्जत्ते सुहुमे अट्ठारसा हुंति ॥३३९॥ अंतोकोडाकोडी तित्थयराहारदुगविसयनेया । एत्तो आउचउक्के वोच्छामि ठिइं तु उक्कोसं ॥३४०॥ तिरिनरआउतिपल्ला य पुव्वकोडीतिभागअब्भहिया । उक्कोसठी तदूणा तु पुव्वकोडीतिभागेण ॥३४१॥ होई अबाहकालो जो किर कम्मस्स अणउदयकालो । कम्मठिड्अबाहूणा कम्मनिसेगो त्ति कम्माणं ॥३४२॥ दलिगरयणाउ जं किर वेइज्जइ उदयपत्तयं कम्मं । सुरनारयआऊणं तेत्तीसयराणि पुव्वाणं ॥३४३॥ कोडीए तिभागेणं अहियाई होइ ठि त्ति उक्कोसा । पुव्वं कोडितिभागो अबाह तह पुव्वकोडीए ॥३४४॥ भागतिगेणं ऊणा कम्मनिसेगो त्ति होइ कम्मठिई । सव्वत्थ एत्थ सागरकोडाकोडीइ एगाए ॥३४५॥
१६९
