________________
गा.-४३
बन्धशतकप्रकरणम्
सो छट्ठ एव नो सत्तमो त्ति इगतीसरूवठाणस्स । उभओ वि हु एगत्ता इह छट्ठो भूयगारो त्ति ॥२९९॥ अपुव्वंमि य सुरगइजोग्गा अडवीसपभिइठाणाउ । चत्तारि उ बंधित्ता तव्वोच्छेयम्मि एगविहं ॥३०॥ बंधंतस्स उ आइमसमए पढमो उ अप्पयरबंधो । इगतीसइबंधाओ तीसइबंधम्मि दुइओ उ ॥३०१॥ इह होई आहारगदुगतित्थजुयाओ पुव्वअडवीसा । इगतीसाओ बंधियदेवोवन्नस्स पढमम्मि ॥३०२॥ समयम्मि मणुयजोग्गं पुव्वुत्तं तीसई पबंधेइ । सो दियलोया चविउं माणुस्सेसुं समुववन्नो ॥३०३॥ सुरगइजोगं तित्थयरनामसहियं तु पुव्वगुणतीसं । बंधंतस्स उ होई तइओ अप्पयरबंधो उ ॥३०४॥ तिरिनरअन्नतरो तिरिजोग्गं गुणतीससन्नियं बंधं । बंधिय सुद्धिवसाओ अडवीसं सुरगईजोग्गं ॥३०५॥ बंधइ तइया तुरिओ बंधो होइ त्ति तहडवीसाओ । संकेसवसागिदियजोग्गं छव्वीसईबंधं ॥३०६॥ पगयस्स पंचबंधो तो पणवीसाएं छट्ठओ होइ । तत्तो तेवीसाए गयस्स किर सत्तमो बंधो ॥३०७॥ होई अप्पयरो इय भणिया सत्तेव अप्पयरबंधा । एत्तो अव्वत्तव्वयतिन्नी बंधा उ भावेमि ॥३०८॥ उवसंतस्स निवडओ इगबंधे बंधणे अवत्तव्यो । उवसंतो आउखयंम्मि बद्धतित्थयरनामा उ ॥३०९॥ उववज्जिस्सइ णुत्तरसुरेसु तस्स वि य पढमसमयम्मि । नरगइपाओग्गं पुव्वभणियरूवं स तित्थयरं ॥३१०॥
१५२
