________________
गा.-४३
बन्धशतकप्रकरणम्
नव भणिया तह अप्पयर-बंधया किमिह नो नव हवंति । जेणिह भणियं अप्पयरबंधया अट्ठ उ हवंति ॥२६३॥ भन्नइ बावीसाओ बंधा इगवीसओ न संभवइ । जेणम्मिच्छट्ठिीणंतरभावेण सासाणो ॥२६४॥ नो होइ किं तु उवसमदिट्ठिजिओ कोइ सासणो होइ । तस्स य किर इगवीसा भणिया बंधस्स ठाणम्मि ॥२६५॥ तम्हा बावीसाओ सतरसबंधम्मि चेव किर गमणं । होइ अओ इह अट्ठ उ हुंती अप्पयरबंधाओ ॥२६६॥ भूयक्कारप्पयरगवट्ठियवत्तव्वयाण बंधाण । मोहम्मि भावणा इह पुव्वुत्तगमेण नेयव्वा ॥२६७॥ तेवीस पन्नवीसा छव्वीसा अट्ठवीसगुणतीसा । तीसेगतीसमेगं बंधट्ठाणाणि नामस्स ॥२६८॥ वन्नचउतेयकम्मगनिम्माणुवघायअगुरुलहुयं च । नव धुवबंधा एए सव्वत्थ मिलंति बंधम्मि ॥२६९॥ तिरिगइदुगनियजाई उरलं हुंडं च थावरं अथिरं । अणएज्ज असुभदुभगअपज्जनवधुवयअजसं च ॥२७०॥ पत्तेयसुहुमदुगदुगएगयरमपज्जिगिंदितेवीसा । एगिदियाइ तिरिनरबंधहि मिच्छेण जुयजीवा ॥२७१॥ सोसासपराघाए खित्ते पणवीसपज्जिगिदिस्स । होई जोग्गा नवरं थिरसुभजसकित्तिजुयलाणं ॥२७२॥ कज्जेत्थ परावत्ती एसा विगलिंदियाण वि जियाणं । पाओग्गा संभवई पणवीसा विविहभंगेहिं ॥२७३॥ नवरमिह वित्थरभया परठाणेताओ (णत्तेणणेह) वुच्चइ य । तव्वित्थरो हु विओसेहि सत्तरीचुन्निओ नेओ ॥२७४॥
AAAAAAAAAAAAAAAAAAAAAAAAA
१४९
