________________
गा.-४३
बन्धशतकप्रकरणम्
भूयक्कारप्पयरावत्तव्वबंधा उ दुन्नि पत्तेयं । हुंति अवट्ठियबंधा तिन्नेव य दंसणावरणे ॥२५१॥ दंसणावरणे उत्तरपयडीण नवाइबंधठाणेसु । नवछगचउन्हदो अंतरेसु हीणीएक्क वुड्डीए ॥२५२॥ दो दो अप्पयरब्भूयगारबंधा उ तहय उवसंतो । परिवडिय चउव्विहबंधगोहवा आउयखयम्मि ॥२५३॥ छव्विहबंधी तो दोऽवत्तव्वा तिन्नि हुँति पुव्वं व । हुंति अवट्टियबंधा इय भावणिया दुइयकम्मे ॥२५४॥ बावीसएगवीसा सत्तरसं तेरसेव नव पंच । चउतिगदुगं च एगं बंधट्ठाणाणि दस मोहे ॥२५५॥ मिच्छं कसायसोलस भयं दुगुच्छा तिवेयमन्नयरं । हासरई इयरे वा बंधे मिच्छस्स बावीसा ॥२५६॥ मिच्छत्तपयडिरहिया इगवीसा सासणस्स बंधम्मि । अणथीरहिया सतरस बंधम्मि मीसअजयाणं ॥२५७॥ दुइयकसायविहूणा तेरस देसस्स हुंति बंधम्मि । तइयकसायविहूणा पमत्तविरयाण नव बंधे ॥२५८॥ अपमत्तसंजयाण अपुवकरणेण तह य समणेण । हासङ्भयदुगुच्छा रहिया पंचेव ते टुति ॥२५९॥ तो 'कोहाईणं कमेण वोच्छेइ सेसठाणाओ । अनियट्टि पंच हाणी जा एगं लोभसंजलणं ॥२६०॥ नव भूयगारबंधा अट्टेव य हुँति अप्पयरबंधा । दो अव्वत्तगबंधा अवट्ठिया दस उ मोहम्मि ॥२६१। एत्थ य बावीसाई दससु मोहस्स बंधठाणेसु । नव अंतराणि तेसुं भूयक्काराउ जह एत्थ ॥२६२॥
