________________
गा.-४१
बन्धशतकप्रकरणम्
दसमगुणी नो बंधइ संजलणाणं चउक्कयं तह य । नामधुवबंधिनवगं निद्ददुगं भयदुगुंछा य ॥२२५॥ एत्थ किर नाम धुवबंधि नवगमेवं भणंति तव्विउणो । वन्नचउतेयकम्मागुरुलहुनिमिणोवघाया य ॥२२६॥ नो बंधइ नवमगुणी छट्ठगुणी पच्चखाणचउगं च । नो बंधइ देसजई अप्पच्चक्खाणचउगं च ॥२२७॥ अणचउगं मिच्छत्तं थीणतिगं नो य बंधए सम्मो । उवसंतसुहुममाई जइया किर पडिया ते पुण वि ॥२२८॥ बंधति भणियपयडीतइया इह होइ साइबंधोत्ति । बंधोणाई उवसंतमाइठाणं अपत्ताणं ॥२२९॥ भव्वाणं बंधते अद्धवबंधो धुवो अभव्वाणं । परियत्तमाणियाओ अद्धविया इह भणिज्जंति ॥२३०॥ तासि अधुवत्तमेवं भाविज्जइ जह पराघाच उस्सासं । पज्जत्तेणेव समं बज्झइ नन्नत्थ उ अधुव्वा ॥२३१॥ एगिदियपाओगियबंधसमं आयवं तु बंधेइ । नोज्जोयं तिरियगई पबंधए नेयमन्नत्थ ॥२३२॥ तित्थयराहारदुगं नो बंधइ सम्मसंजमेहि विणा । सायासायाथीपुमपभिई सेसाउ पयडीओ ॥२३३॥ जुगवं नो बज्झंतो परोप्परं जेण ता विरुद्धाओ । इय तेवत्तरिअधुवा परिमिय समए न बझंति ॥२३४॥
इय साईओ जेणं बंधो जाओ पुणो नियत्तेइ । इय अधुवत्तं ताहि अणाइ धुवसंभवो नासिं ॥२३५॥ साम्प्रतं मूलप्रकृतिबन्धस्थानानि, तेषु च भूयस्काराल्पतरावस्थितावक्तव्यकलक्षणबन्धभेदान् प्ररूपयन्नाह
१३६
