________________
ਵਿਅਕਤੀ ਨੂੰ ਗਰਮ ਥਾਂ ਚੰਗੀ ਲਗਦੀ ਹੈ। ਭੈ ਰੂਪੀ ਅਗਨੀ ਤੋਂ ਜੋ ਅਪਣੀ ਰੱਖਿਆ ਚਾਹੁੰਦਾ ਹੈ ਅਤੇ ਕਰਜੇ ਤੋਂ ਦੁੱਖੀ ਮਨੁੱਖ ਨੂੰ ਧੰਨ ਚੰਗਾ ਲਗਦਾ ਹੈ। ॥28-29॥
“ਗੰਭੀਰ ਛੂਤਭੱਦਰ ਹੇਤੂ ਨਯ ਤੋਂ ਉਜਵਲ ਜਿੰਨੇਦਰ ਭਗਵਾਨ ਦੇ ਵਚਨ ਦੀਆਂ ਸ਼ਰਣ ਵਿੱਚ ਜਾਣ ਵਾਲੇ ਨੂੰ ਅਜਿਹਾ ਹੀ ਆਨੰਦ ਅਨੁਭਵ ਹੁੰਦਾ ਹੈ। ਜਿਵੇ ਪਿਆਸੇ ਵਿਅਕਤੀ ਨੂੰ ਪਾਣੀ ਮਿਲਣ ਤੇ ਹੁੰਦਾ ਹੈ। ॥30॥
“ਠੰਡ ਦੇ ਮੋਸਮ ਦਾ ਜਲ ਸ਼ੁਧ ਹੁੰਦਾ ਹੈ ਪੂਰਨ ਚੰਦਰਮਾ ਮੰਗਲਕਾਰੀ ਹੁੰਦਾ ਹੈ। ਪ੍ਰਕਾਸ਼ ਕਰਦੀ ਕੋਈ ਮਣੀ ਅਤੇ ਵਿਸ਼ਥਾਰ ਵਾਲੀ ਧਰਤੀ ਜਿਵੇਂ ਜੰਗਲਾਂ ਨਾਲ ਸੁਭਾਏਮਾਨ ਹੁੰਦੀ ਹੈ ਇਸੇ ਪ੍ਰਕਾਰ ਸੁਭਾਵਕ ਗੁਣਾਂ ਤੋਂ ਭਰਪੂਰ ਜੈਨ ਧਰਮ ਸੁਭਾਏਮਾਨ ਹੁੰਦਾ ਹੈ। ਜਿਵੇਂ ਚੰਦਰਮਾ ਅਤੇ ਤਾਰਿਆਂ ਦੇ ਸਮੂਹ ਦੇ ਫੈਲਨ ਨਾਲ ਆਕਾਸ਼ ਸੁਭਾਏਮਾਨ ਹੁੰਦਾ ਹੈ”। ॥31-32॥
“ਜਿਸ ਨੇ ਸਰਵਗ ਦਾ ਧਰਮ ਪ੍ਰਾਪਤ ਕੀਤਾ ਹੈ। ਉਸ ਆਤਮਾ ਦਾ ਵਿਗਿਆਨ ਵਿਕਸਤ ਹੁੰਦਾ ਹੈ। ਜਿਵੇਂ ਕਿ ਹਿਮਾਲਿਆ ਪਰਬਤ ਤੇ ਦਰਖਤ ਸ਼ੋਭਾ ਪਾਉਂਦੇ ਹਨ ਅਤੇ ਜਿਵੇਂ ਪਵਿਤਰ ਅਤੇ ਅਸਰਦਾਇਕ ਦਵਾਈ ਦੀ ਸ਼ਕਤੀ ਬਲ ਅਤੇ ਵੀਰਜ ਵਿੱਚ ਵਾਧਾ ਕਰਦੀ ਹੈ ਇਸੇ ਪ੍ਰਕਾਰ ਜਿੰਨੇਦਰ ਭਗਵਾਨ ਦਾ ਧਰਮ ਸਤਵ ਬੁੱਧੀ, ਮਤੀ ਮੇਧਾ ਅਤੇ ਗੰਭੀਰਤਾ ਵਿੱਚ ਵਾਧਾ ਕਰਦਾ ਹੈ। ॥33-34॥
“ਪ੍ਰਚੰਡ (ਬੁਰੇ) ਰਾਜਾ ਦਾ ਅਤੇ ਸੰਸਾਰ ਵਿੱਚ ਗੁਰੂ ਦਾ ਅਰੋਗਤਾ ਦੇਣ ਵਾਲੇ ਵੈਦ ਦੀ ਆਗਿਆ ਦਾ ਪਾਲਨ ਨਾ ਕਰਨਾ ਦੁੱਖ ਦਾ ਕਾਰਨ ਹੈ।
“ਚੰਗੇ ਰਾਜੇ ਦਾ ਸਾਸ਼ਨ ਜੰਗਲ ਵਿੱਚ ਰਾਹ ਦੱਸਣ ਵਾਲੇ ਜਾਂ ਸੰਸਾਰ ਰੂਪੀ ਜੰਗਲ ਦੇ ਰਾਹ ਦੱਸਣ ਵਾਲੇ ਗੁਰੂ ਦਾ ਉਪਦੇਸ਼ ਅਤੇ ਵੈਦ ਦੇ ਰੋਗ ਦਾ ਉਪਚਾਰ ਇਹ ਸੱਭ ਲਈ ਭਲਾ ਕਰਨ ਵਾਲਾ ਹੈ। 35-36॥
[112]