________________
ਕਿ ਜੋ ਸਰਵ ਆਤਮ ਦਰਸ਼ੀ ਸਾਰੀਆਂ ਕਾਮਨਾਵਾਂ ਨੂੰ ਛੱਡਕੇ ਨਿਰਵਿਕਲਪ ਅਵਸਥਾ ਵਿੱਚ ਸਥਿਤ ਹੋ ਕੇ ਤਿਆਗੀ ਹੋ ਕੇ ਮਮਤਾ ਰਹਿਤ ਅਤੇ ਅਹੰਕਾਰ ਰਹਿਤ ਹੋ ਜਾਂਦਾ ਹੈ, ਉਹ ਬਹੁਤ ਜ਼ਿਆਦਾ ਸ਼ਾਂਤੀ ਨੂੰ ਪ੍ਰਾਪਤ ਕਰਦਾ ਹੈ। ਇਸ ਲਈ ਭਗਵਾਨ ਕ੍ਰਿਸ਼ਨ ਅਰਜੁਨ ਨੂੰ ਆਖਦੇ ਹਨ ਕਿ ਇਹ ਬ੍ਰਹਮ ਨੂੰ ਪ੍ਰਾਪਤ ਪੁਰਸ਼ਾਂ ਦੀ ਅਵਸਥਾ ਹੈ। ਮਹਾਤਮਾ ਇਸ ਅਵਸਥਾ ਨੂੰ ਪ੍ਰਾਪਤ ਕਰ ਕੇ ਫੇਰ ਅਨਾਤਮ ਬੁੱਧੀ ਨੂੰ ਪ੍ਰਾਪਤ ਨਹੀਂ ਹੁੰਦਾ ਹੈ। ਇਸ ਅਵਸਥਾ ਵਿੱਚ ਸਥਿਤ ਹੋ ਕੇ ਇਸ ਨੂੰ ਮੌਤ ਵੀ ਆ ਜਾਵੇ ਤਾਂ ਵੀ ਉਹ ਉਸੇ ਸਮੇਂ ਸਾਰੇ ਪਾਪਾਂ ਤੋਂ ਮੁਕਤ ਹੋ ਕੇ ਸ਼ਾਂਤ ਸਵਰੂਪ ਬ੍ਰਹਮ ਨੂੰ ਪ੍ਰਾਪਤ ਕਰ ਲੈਂਦਾ ਹੈ। ਭਗਤੀ ਮਾਰਗ
69
ਭਾਰਤੀ ਧਰਮਾਂ ਵਿੱਚ ਮੁਕਤੀ: | 215
ਜੈਨ ਧਰਮ ਦੇ ਵਿਸ਼ੇਸ਼ ਹਵਾਲੇ ਨਾਲ
ਭਗਵਤ ਗੀਤਾ ਭਗਵਾਨ ਕ੍ਰਿਸ਼ਨ ਚੰਦਰ ਜੀ ਭਗਤੀ ਦਾ ਪ੍ਰਦਰਸ਼ਨ ਕਰਨ ਵਾਲਾ ਗ੍ਰੰਥ ਹੈ। ਜਦ ਉਹ ਭਗਤੀ ਦਾ ਪਰਵਚਨ ਕਰਦਾ ਹੈ ਤਾਂ ਗਿਆਨ ਅਤੇ ਕਰਮ ਦੇ ਗੁਣ ਉਸ ਦੀ ਭੂਮਿਕਾ ਵਿੱਚ ਸਪੱਸ਼ਟ ਵਿਖਾਈ ਦਿੰਦੇ ਹਨ। ਈਸ਼ਵਰ ਦੇ ਪ੍ਰਤੀ ਭਗਤੀ ਮੁਕਤੀ ਦਾ ਸਰਵ ਉੱਤਮ ਮਾਰਗ ਹੈ, ਭਗਵਾਨ ਕ੍ਰਿਸ਼ਨ ਅਰਜਨ ਨੂੰ ਆਖਦੇ ਹਨ ਹੇ ਅਰਜਨ! ਜੋ ਸਾਰੇ ਉਪਾਵਾਂ ਨੂੰ ਛੱਡ ਕੇ ਕੇਵਲ ਭਗਤੀ ਦਾ ਆਸਰਾ ਲੈਕੇ ਮੇਰੇ ਵਿੱਚ ਮਨ ਨੂੰ ਸਹੀ ਰੂਪ ਨਾਲ ਲਗਾ ਕੇ ਅਟੁੱਟ ਰੂਪ ਨਾਲ ਉਪਾਸਨਾ ਕਰਦੇ ਹਨ ਉਹ ਮੇਰੇ ਮਤ ਵਿੱਚ ਸਰਵ ਸ੍ਰੇਸ਼ਠ ਹਨ।
70
ਇਸ ਤਰ੍ਹਾਂ ਈਸ਼ਵਰ ਦੇ ਭਗਤ ਨੂੰ ਯੋਗੀ ਹੋਣ ਲਈ ਪ੍ਰੇਰਤ ਕੀਤਾ ਗਿਆ ਹੈ। ਦੂਸਰੇ ਸ਼ਬਦਾਂ ਵਿੱਚ ਭਗਤ ਸ਼੍ਰੇਸ਼ਠ ਯੋਗੀ ਹੈ। ਜੋ ਯੋਗ ਦੇ ਨਾਲ ਭਗਤੀ ਦਾ ਸੁਮੇਲ ਕਰਦਾ ਹੈ, ਉਹ ਸਾਰੇ ਸਾਧਕਾਂ ਵਿੱਚੋਂ ਉੱਤਮ ਮੰਨਿਆ ਜਾਂਦਾ ਹੈ। ਈਸ਼ਵਰ ਦੀ ਉਪਾਸਨਾ ਈਸ਼ਵਰ ਨੂੰ ਪ੍ਰਾਪਤ ਕਰਨ ਦਾ ਸਰਵ ਉੱਤਮ ਸਾਧਨ ਹੈ। ਭਗਵਾਨ ਆਖਦੇ ਹਨ ਲੋਕ ਪਰਲੋਕ ਨੂੰ ਮਿੱਥਿਆ ਬੰਧਨ ਸਮਝ ਕੇ, ਇੱਕ ਮੈਨੂੰ, ਅਦਿਤਯਾ ਸੱਚਿਦਾਨੰਦਘੰਣ ਦੀ ਸ਼ਰਨ ਵਿੱਚ ਆ ਜਾ ਮੈਂ ਤੈਨੂੰ ਸਾਰੇ ਪਾਪਾਂ ਤੋਂ ਮੁਕਤ ਕਰ ਦੇਵਾਂਗਾ, ਤੂੰ ਕਿਸੇ ਤਰ੍ਹਾਂ ਦਾ ਸੋਗ ਨਾ ਕਰ।
71
ਇਹ ਭਗਤੀ ਮਾਰਗ ਸਭ ਦੇ ਲਈ ਖੁੱਲ੍ਹਾ ਹੈ ਚਾਹੇ ਉਹ ਪੁਰਸ਼ ਹੋਵੇ ਜਾਂ ਇਸਤਰੀ, ਉੱਚੇ ਕੁਲ ਦਾ ਹੋਵੇ ਜਾਂ ਛੋਟੇ ਕੁਲ ਦਾ। ਗਿਆਨ ਅਤੇ ਕਰਮ ਮਾਰਗ ਦੀ ਤੁਲਨਾ ਪੱਖੋਂ ਭਗਤੀ ਮਾਰਗ ਜ਼ਿਆਦਾ ਸਰਲ ਅਤੇ ਸਿੱਧਾ ਹੈ।
-
-
