________________
ਭਾਰਤੀ ਧਰਮਾਂ ਵਿੱਚ ਮੁਕਤੀ: | 190 ਜੈਨ ਧਰਮ ਦੇ ਵਿਸ਼ੇਸ਼ ਹਵਾਲੇ ਨਾਲ
ਇਹਨਾਂ ਤਿੰਨ ਸ਼੍ਰੇਣੀਆਂ ਵਿੱਚੋਂ ਇੱਕ ਪ੍ਰਧਾਨ ਦੇਵਤਾ ਹੋਇਆ ਕਰਦਾ ਹੈ। ਧੂ ਲੋਕ ਵਾਸੀ ਦੇਵਤਿਆਂ ਵਿੱਚ ਸੂਰਜ ਨੂੰ ਰਾਜ ਕਰਨ ਵਾਲਾ ਦੇਵਤਾ ਮੰਨਿਆ ਗਿਆ ਹੈ। ਅੰਤਰਿਕਸ਼ ਲੋਕ ਵਾਸੀ ਦੇਵਤਿਆਂ ਵਿੱਚ ਇੰਦਰ ਨੂੰ ਅਤੇ ਭੁ ਲੋਕ ਵਾਸੀ ਦੇਵਤਿਆਂ ਵਿੱਚ ਅਗਨੀ ਨੂੰ ਰਾਜ ਕਰਨ ਵਾਲਾ ਦੇਵਤਾ ਮੰਨਿਆ ਗਿਆ । ਹੈ। ਇਹ ਤਿੰਨ ਸ਼੍ਰੇਣੀਆਂ ਵਿੱਚ ਹਰ ਇੱਕ ਵਿੱਚ 11 ਦੇਵਤੇ ਹੋਣ ਕਾਰਨ ਕੁੱਲ 33 ਦੇਵਤੇ ਹੋ ਜਾਂਦੇ ਹਨ। ਇਹਨਾਂ 33 ਦੇਵਤਿਆਂ ਦੀ ਸੰਖਿਆ ਰਿਗਵੇਦ ਵਿੱਚ 33000 ਹਜ਼ਾਰ 39 ਹੋ ਗਈ। | ਸੂਰਜ ਦੇਵਤਾ ਉਮਰ, ਸਹਿਤ, ਸੰਪਤੀ, ਤਰੱਕੀ ਅਤੇ ਸ਼ਕਤੀ ਦਾ ਦੇਣ ਵਾਲਾ ਮੰਨਿਆ ਗਿਆ ਹੈ। ਵੈਦਿਕ ਬਾਹਮਣ ਹੇਠ ਲਿਖੇ ਸ਼ਬਦਾਂ ਵਿੱਚ ਇਸ ਦੀ ਪ੍ਰਾਥਨਾ ਕਰਦੇ ਸਨ:- ਅਸੀਂ ਇਸ ਮਹਾਨ ਸਾਵਿਤਰੀ ਦੀ ਪ੍ਰਾਥਨਾ ਕਰਦੇ ਹਾਂ, ਇਸ ਲਈ ਕਿ ਉਹ ਸਾਨੂੰ ਸੰਸਾਰ ਦੀ ਸੰਪਤੀ ਦੇਵੇ। ਏ. ਬੀ. ਕੀਥ ਨੇ ਕਿਹਾ ਹੈ ਕਿ ਸੂਰਜ ਦੀ ਪ੍ਰਧਾਨ ਅਦਭੁੱਤ ਸ਼ਕਤੀ ਹੈ, ਸੰਸਾਰ ਨੂੰ ਪ੍ਰਕਾਸ਼ ਦੇਣਾ। ਉਹ ਅੰਧਕਾਰ ਦੇ ਪਰਦੇ ਨੂੰ ਨਸ਼ਟ ਕਰਦਾ ਹੈ ਅਤੇ ਅੰਧਕਾਰ ਅਤੇ ਭੂਤ ਪ੍ਰੇਤ ਦੀ ਸ਼ਕਤੀ ਤੇ ਜਿੱਤ ਪ੍ਰਾਪਤ ਕਰਦਾ ਹੈ। ਸੂਰਜ ਦੇਵਤਾ ਵੀ ਜੀਵਾਂ ਨੂੰ ਜੀਵਨ ਦਾਨ ਦਿੰਦਾ ਹੈ ਤੇ ਉਹਨਾਂ ਦੇ ਦੁੱਖ ਅਤੇ ਮਾੜੇ ਸੁਪਨੇ ਨੂੰ ਖਤਮ ਕਰਦਾ ਹੈ। | ਰਿਗਵੇਦ ਦੇ ਅਨੁਸਾਰ ਇੰਦਰ ਬਹੁਤ ਵੱਡਾ ਸ਼ਕਤੀਸ਼ਾਲੀ ਅੰਤਰਿਕਸ਼ ਵਾਸੀ ਦੇਵ ਹੈ। ਜੋ ਬਹੁਤ ਹਿੰਮਤ ਵਾਲਾ ਮੰਨਿਆ ਗਿਆ ਹੈ, ਅੰਤਰਿਕਸ਼ ਵਾਸੀ ਸਾਰੇ ਦੇਵ ਉਸ ਦੀ ਸ਼ਕਤੀ ਨੂੰ ਸਵੀਕਾਰ ਕਰਦੇ ਹਨ। ਉਹ ਹਵਾ, ਮੀਂਹ ਅਤੇ ਬਿਜਲੀ ਦੀ ਗੜਗੜਾਹਟ ਨੂੰ ਸਾਰੇ ਸੰਸਾਰ ਵਿੱਚ ਫੈਲਾਉਂਦਾ ਹੈ। ਉਹ ਬਹੁ ਆਕ੍ਰਿਤੀਆਂ ਨੂੰ ਧਾਰਨ ਕਰ ਸਕਦਾ ਹੈ ਅਤੇ ਉਸ ਨੂੰ ਦੇਵਤਿਆਂ ਵਿੱਚ ਯੋਧਾ । ਮੰਨਿਆ ਗਿਆ ਹੈ।
ਵਰੁਣ ਅਕਾਸ਼ ਦਾ ਪ੍ਰਤੀਨਿਧਤਾ ਕਰਦਾ ਹੈ ਅਤੇ ਉਹ ਪ੍ਰਾਕ੍ਰਿਤੀ ਦਾ ਦੇਵਤਾ ਹੈ, ਅਨੇਕ ਵਿਦਵਾਨਾਂ ਨੇ ਵਰੁਣ ਦੀ ਤੁਲਨਾ ਯੂਰੇਨਿਆ ਨਾਲ ਕੀਤੀ ਹੈ। ਉਸਨੇ ਸਰੀਰਕ ਸੰਸਾਰ ਦੇ ਕੁੱਝ ਨਿਯਮ ਬਣਾਏ ਹਨ। ਜਿਨ੍ਹਾਂ ਤੋਂ ਕੋਈ ਇਨਕਾਰ ਨਹੀਂ ਕਰ ਸਕਦਾ ਹੈ। ਵਰੁਣ ਦੀ ਆਗਿਆ ਨਾਲ ਹੀ ਸਵਰਗ ਅਤੇ ਧਰਤੀ ਟਿਕੇ ਹੋਏ ਹਨ, ਉਸ ਦੀ ਆਗਿਆ ਨਾਲ ਹੀ ਸੂਰਜ ਚੰਦਰਮਾਂ ਚਮਕਦੇ ਹਨ।
