________________
कल्पसूत्रे सशब्दार्थे
भगवतो-: धमदेशना आश्चर्य प्रकटन च
॥४५॥
- मूलम्-तए णं से समणे भगवं महावीरे उप्पण्णणाणदंसणधरे अप्पाणं च लोगं च अभिसमिक्ख जोयणवित्थारणीए सयसयभासापरिणामिणीए वाणीए देवाणं धम्ममाइक्खइ । तत्थ भगवओ सा धम्मदेसणा तित्थयर कप्पपरिपालणाए जाया, न केणवि तत्थ विरई पडिवण्णा। नो णं एवं कस्सवि तित्थयरस्स भूयपुव्वं अओ एयं चउत्थं अच्छेरयं जायं। तए णं से समणे भगवं महावीरे तओ पडिणिक्खमइ, पडिणिक्खमित्ता जणवयविहारं विहरइ। तेणं कालेणं तेणं समएणं पावापुरी णामं णयरी होत्था-रिद्धिस्थिमिय समिद्धा। तत्थ णं पावापुरीए सीहसेणो णाम राया होत्था, महया हिमवंतमहंतमलय मंदरमहिंदसारे। तस्स णं सीहसेणस्स रण्णो सीलसेणा णामं देवी, हत्थिवालो णामं पुत्तो जुवराया होत्था। तीए णं पावाए पुरीए बहिया उत्तरपुरस्थिमे
॥४५१॥
