________________
कल्पसूत्रे सशब्दार्थ
भगवतो विहार
स्थानवर्णनम्
किंपि वयइ तुसिणीए संचिठ्ठइ, तया अवायए भगवम्मि कुद्धा रुढा समाणा नाणाविहं उवसग्गं करेंति, तंपि भगवं सम्मं सही। कयावि को एत्थ' त्ति पुच्छिए भगवं वदीअ अहमसि भिक्खू' त्ति सोच्चा स कसाएहि तेहिं आहच्च-अपसरेहि एत्तो'-त्ति कहिय भगवं अयमुत्तमे धम्मे त्ति कटु ततो तुसिणीए चेव निस्सरीअ जंसि हिमवाए सिसिरे पवेयए मारुए पवायत्ते अप्पगे अणगारा निवायं ठाणमेसति अण्णे 'संघाडीओ' पविसिरसामोत्ति वयंति एगे य इंधणाणि समादहमाणा चिट्ठति । केइ पिहिया अइदुक्खं हिमगसंफासं सहिउं सक्खामो त्ति सोयंति, तंसि तारिसगसि सिसिरंसि दविए भगवं अपडिण्णे समाणे वियडे ठाणे तं सीयं सम्म अहियासीअ। एस विही 'अण्णे मुणिणों वि एवं रियंतु'त्ति कटु अप्पडिन्नेण मइमया भगवया बहुसो अणुकंतो ॥५२॥
॥३०२॥
