________________
भिक्खू य उग्गयवित्तिए अणत्यमियसंकप्पे असंथडिए वितिगिच्छासमावन्ने असणं वा पाणं वा खाइमं वा साइमं वा पडिग्गाहित्ता आहारं आहारेमाणे जाव अन्नेसिं वा दलमाणे राइभोयणपडिसेवणपत्ते आवज्जइ चाउम्मासियं परिहारहाणं अणुग्घाइयं ।।९-४॥ ___इह खलु निग्गंथस्स वा निग्गंथीए वा राओ वा वियाले वा सपाणे सभोयणे उग्गाले आगच्छेज्जा, तं विगिचमाणे वा चिसोहेमाणे वा नो अइक्कमइ, तं उग्गिलित्ता पच्चोगिल. माणे राइभोयणपडिसेवणपत्ते आवज्जइ चाउम्मासियं परिहारहाणं अणुग्घाइयं ॥१०॥
निग्गंथस्स वा गाहावइकुलं पिंडवायपडियाए अणुप्पविट्ठस्स अंतो पडिग्गर्हसि पाणाणि वा वीयाणि वा रए वा परियावज्जेज्जा तं च संचाएइ विगिचित्तए वा विसो. हित्तए वा तं पुवामेव लाइय विसोहिय विसोहिय तओ संजयामेव भुंजेज्ज वा पिवेज वा, तं च नो संचाएइ विगिचित्तए वा विसोहित्तए वा तं नो अप्पणा अँजिज्जा नो अन्नेसिं दावए, एगंते बहुफासुए थंडिले पडिलेहित्ता पमज्जित्ता परिवेयव्वे सिया॥११॥
निग्गंथस्स य गाहावइकुलं पिंडवायपडियाए अणुप्पविट्ठस्स अंतो पडिग्गहंसि दगे वा दगरए वा दगफुसिए वा परियावज्जेज्जा, से य उसिणे भोयणजाए भोत्तव्वे सिया, से य सीए भोयणजाए तं नो अप्पणा भुजिज्जा नो अन्नेसिं दावए, एगते बहुफासुए थंडिले परिद्ववेयव्वे सिया ॥१२॥
निग्गंधीए राओ वा वियाले वा उच्चारं वा पासवणं वा विगिंचमाणीए वा विसोहेमाणीए वा अन्नयरे पसुजाइए वा पक्खिजाइए वा अन्नयरं इंदियजायं परामुसज्जा, तं च निग्गंथी साइज्जेज्जा, हत्थकम्मपडिसेवणपत्ता आवज्जइ चाउम्मासियं अणुग्धाइयं ॥१३॥
निग्गंथीए राओ वा चियाले वा उच्चारं वा पासवणं वा विगिंचमाणीए वा विसोहेणाणीए वा अन्नयरे पसुजाइए वा पक्खिजाइए वा अन्नयरंसि सोयंसि ओगाहिज्जा, तं च निग्गंधी साइज्जेज्जा, मेहुणपडिसेवणपत्ता आवज्जई चाउम्मासिय अणुग्घाइयं ॥१४॥
नो कप्पइ निग्गंथीए एगाणियाए होत्तए ॥१५॥
नो कप्पइ निग्गंधीए एगाणियाए गाहावइकुलं पिडवायपडियाए निक्खमित्तए . वा पविसित्तए वा ॥१६॥
