________________
पारंचिय भिक्खं अगिहिभूयं नो कप्पई तस्स गणावच्छेयगस्स उवठ्ठावित्तए । पारंचियं भिक्खुं गिहिभूयं कप्पइ तस्स गणावच्छेयगस्स उवट्ठावित्तए ॥१९॥
अणवढप्पं भिक्खु पारंचियं वा भिक्खं गिहिभूयं वा अगिहिभूयं वा कप्पइ तस्स गणावच्छेयगस्स उवठ्ठावित्तए जहा तस्स गणस्स पत्तिय सिया ॥२०॥
दो साहम्मिया एगयओ विहरंति, एगे तत्थ अण्णयरं अकिच्चट्टाणं पडिसेवित्ता आलोएज्जा, अहणं भंते ! अमुएणं साहुणा सद्धिं इमंमि य कारणंमि मेहुणपडिसेवी, पच्चयउ च सयं पडिसेवियं भणइ तत्थ पुच्छियव्वे कि पंडिसेवी ? अपडिसेवी ?, से य वएज्जा पडिसेवी परिहारपत्ते । से य वएज्जा णो पडिसेवी णो परिहारपत्ते । जं से पमाणं वयइ से य पमाणाओ घेतवे सिया से किमाहु भंते !, सच्चपइण्णा ववहारा ॥२१॥
मिक्खू य गणाओ अवक्कम्म ओहाणुपेही वएज्जा, से आइच्च अणोहाइओ, से य इच्छेज्जा दोच्चंपि तमेव गणं उवसंपज्जित्ता णं विहरित्तए । तत्थ ण थेराणं इमेयारूवे विवाए समुप्पज्जिज्जा इमं अज्जो ! जाणह किं पडिसेवी किं अपडिसेवी ? से य वएज्जा पडिसेवी परिहारपत्ते, से य वएज्जा नो पडिसेवी नो परिहारपत्ते, जं से पमाणं वयइ से य पमाणाओ घेतव्वे, से किमाहु भंते !, सच्चपइण्णा ववहारा ॥२२॥
एगपक्खियस्स भिक्खुयस्स कप्पइ आयरियउवज्झायाणं इत्तरियं दिसं वा अणुदिसं वा उदिसित्तए वा धारित्तए चा जहा वा तस्स गणस्स पंत्तियं सिया ॥२३॥
वहवे परिहारिया वहवे अपरिहारिया इच्छेज्जा एगयओ एगमासं वा दुमासं वा तिमासं वा चाउम्मासं वा पंचमासं वा छम्मासं वा वत्थए ते अन्नमन्नं संभुजति अन्नमन्नं नो संभुजंति मासंते तओ पच्छा सव्वेवि एगयओ संभुंजंति ॥२४॥
परिदारकप्पट्टियस्स भिक्खुस्स णो कप्पइ असणं वा पाणं वा खाइमं वा साइमं वा दाउं वा अणुप्पदाउं वा, थेरा णं वएज्जा इमं ता अज्जो ! तुमं एएसिं देहि वा अणुप्पदेहि वा एवं से कप्पइ दाउं वा अणुप्पदाउं वा, कप्पई से लेवं अणुजाणावित्तए अणुजाणाह भंते ! लेवाए एवं से कप्पई लेवं समासे वित्तए ॥२५॥
परिहारकप्पढिए भिक्खू सएणं पंडिग्गहेण वहिया अप्पणो वेयावडियाए गच्छेज्जा, थेरा य तं वएज्जा-पडिग्गाहेहि अज्जो ! अहंपि भोक्खामि वा पाहामि वा, एवं णं से कप्पइ पडिग्गाहित्तए, तत्थ णो कप्पइ अपरिहारिएणं परिहारियस्स
