________________
॥ बीओ उद्देसो ॥ .... दो साहम्मिया एगयओ विहरंति एगे तत्थ अन्नयरं अकिच्चटाणं पडिसेवित्ता आलोएज्जा ठवणिज्ज ठावइत्ता करणिज्जं वेयावडियं ॥१॥ .. दो साहम्मिया एगयओ विहरंति दोवि ते अण्णयरं अकिच्चट्ठाणं पडिसेवित्ता आलोएज्जा एगं तत्थ कप्पागं ठावइत्ता एगे णिव्विसेज्जा अह पच्छा सेवि णिविसेज्जा ॥२॥ . वहवे साहम्मिया एगयो विहरंति एगे तत्थ अण्णयरं अकिच्चटाणं पडिसेवित्ता आलोएज्जा, तत्थ ठवणिज्ज ठावइत्ता करणिज्जं वेयावडियं ॥३॥
. वहवे साहम्मिया एगयओ विहरंति सम्वेवि ते अण्णयरं अकिच्चट्ठाणं पडिसेवित्ता आलोएज्जा, एग तत्थ कप्पागं ठावडत्ता अवसेसा णिव्विसिज्जा, अह पच्छा सेवि णिव्विसेज्जा ॥४॥
परिहारकप्पट्ठिए भिक्खू गिलायमाणे अण्णयरं अकिच्चट्ठाणं पडिसेवित्ता आलोएज्जा से य संघरेज्जा ठवणिज्ज ठावइत्ता करणिज्ज वेयावडियं,
से य णो संथरेज्जा अणुपारिहारिएणं करणिज्ज वेयावडियं, से य संते वले अणुपारिहारिएणं कीरमाणं वेयावडियं साइज्जेज्जा से य कसिणे तत्थेव आरुहियब्वे सिया ॥५॥
परिहारकप्पट्टियं भिक्खुं गिलायमाणं णो कप्पइ तस्य गणावच्छेयगस्स णिज्जूहित्तए अगिलाए तस्य करणिज्जं वेयावडियं जाव तओ रोगायंकायो विप्पमुक्को, तो पच्छा तस्स अहालहुस्सए नामं ववहारे पट्टवियन्वे सिया ॥६॥
अणवठ्ठप्पं भिक्खु गिलायमाणं नो कप्पइ तस्स गणावच्छेयगस्स निज्जहित्तए, अगिलाए तस्स करणिज्ज वेयावडियं जाव तो रोगायकाओ विप्पमुक्को तो पच्छा तस्स अहालहुस्सए नाम ववहारे पट्टवियत्वे सिया ॥७॥
__पारंचियं भिक्खु गिलायमाणं नो कप्पइ तस्स गणावच्छेयगस्स निजहित्तए, अगिलाए तस्स करणिज्जं वेयावडियं जाव तओ रोगायंकाओ विप्पमुक्को तो पच्छा तस्स अदालहुस्सगे नामं ववहारे पठवियन्वे सिया ॥८॥
खित्तचित्तं भिक्खु गिलायमाणं नो कप्पइ तस्स गणावच्छेयगस्स निज्जूहित्तए, अगिलाए तस्स करणिज्जं वेयावडियं जाव तओ रोगायंकाओ विप्पमुक्को, तो पच्छा तस्स अहालहुस्सए नाम ववहारे पट्टवियत्वे सिया ॥९॥
