________________
जम्बूद्धीपत्राप्ति . अथेन्द्रकृत्यावसरमाह"मूलम्-तेणं कालेणं तेणं समएणं सक्के णाम देविंदे देवराया वजपाणी पुरंदरे सयकऊ सहस्सक्खे मघवं पागसासणे दाहिणद्धलोकाहिवई बत्तीसविमाणावाससयसहस्साहिवई एरावणवाहणे सुरिंदे अरयं बरवत्थधरे आलइयमालमउडे नवहेमचारुचित्तचंचलकुंडलविलिहिज्जआणगंडे भासुरवोंदी पलंबवणमाले महिडिए महन्जुईए महावले महा जसे महाणुभागे महासोक्खे सोहम्मे कप्पे सोहम्मवडिसए विमाणे सभाए सुहम्माए सक्कंसि सीहासणंसि से णं तत्थ बत्तीसाए विमाणा. वाससयसाहस्सीणं चउरासीए सामाणियसाहस्तीणं तायत्तीसाए ताय. तीसगाणं चउण्हं लोगपालाणं अट्टण्हं अग्गमहिसणं सपरिवाराणं तिण्हं परिसाणं सतण्हं अणिआणं सत्तण्हं अणियाहिबईणं चउण्हं चउरासीणं आयरक्खदेवसाहस्सीणं अन्नेसिं च वहणं सोहम्मकप्पवासीणं वेमाणियाणं देवाण य देवीण य आहेबच्चं सामित्तं भहित्तं महत्तरगतं आणाईसरसेणावच्चं कारेमाणे पालेमाणे महयाहयणगीयवाइयतंतीतलतालतुडियघणमुइंगपडुपडहवाइयरवेणं दिव्बाई भोगभोगाई भुंजमाणे विहरइ । तए णं तस्स सकस्त देविंदस्त देवरणो आसणं चलई । तए णं से सक्के जाव आसणं चलियं पासइ पासित्ता ओहिं पउंजइ पउंजित्ता भगवं तित्थयरं ओहिणा आभोएइ आमोइत्ता हट्टतुट्ठचित्ते आनंदिए पीइमणे परमसोमणस्सिए हरिसवसविसप्पमाणहियए धाराहयकयंबकुसुमचंचुमालइयऊसवियरोमकूवे वियसियवरकमलनयणवयणे पचलियवरकडगतुडियकेऊरमउडे कुंडलहारविरायंतवच्छे पालंबपलंबमाणघोलंतभूसणधरे ससंभमं तुरियं चवलं सुरिंदे सीहासणाओ अब्भुट्टेइ अब्भुद्विता पायपीठाओ पञ्चोरुहइ पच्चोरुहिता वेरुलियवरिटुरिट अंजणनिउणोवियमिसिमिसिंत मणिरयणमंडियाओ पाउयाओं ओमुयइ
ओमुइत्ता एगसाडियं उत्तरासंगं करेइ' करिता अंजलिमउलियग्गहत्थे तित्थयराभिमुहे सत्तट्रपयाई अणुगच्छइ अणुगच्छित्ता वामं जाणं अचाइ
