________________
७२०
प्रशापनासूत्रे जाव पडिरूवा, एत्थ णं दाहिणिल्लाणं असुरकुमाराणं देवाणं पज्जत्तापज्जत्तगाणं ठाणा पण्णता, तीसु वि लोगस्स असंखेज्जइ. भागे, तत्थ णं बहवे दाहिणिल्ला असुरकुसारा देवा देवीओ य परिवसंति, काला लोहियखा, तहेव जाव सुंजसाणा विहरंति, एएसि णं तहेव तायत्तीसगलोगपाला भवंति, एवं सव्वस्थ भाणियवं, भवणवासी णं चमरे इत्थ असुरकुमारिंदे असुरकुमारराया परिवसति, काले महानीलसरिसे जाव पभासेमाणे, से णं तत्थ चउतीसाए सवणावाससयसहस्साणं चउसटीए सामाणियसाहस्तीणं तायत्तीसाए तायत्तीसगाणं चउण्हं लोग पालाणं पंचण्हं अग्गमहिसीणं सपरिवाराणं, तिण्हं परिसाणं, सत्तण्डं अगियाणं, सत्तण्हं अगियाहिबईणं, चउण्ह य चउसट्टीणं आयरक्खदेवसाहस्सीणं, अन्नेसिं च बहणं दाहिणिल्लाणं देवाणं देवीण य आहेबच्चं पोरेवच्चं जाव विहरंति, कहि णं भंते ! उत्तरिल्लाणं असुरकुमाराणं देवाणं पज्जत्तापज्जत्तगाणं ठाणा पण्णत्ता ? कहि णं भंते! उत्तरिल्ला असुरकुमारा देवा परिवसंति ? गोयमा ! जंबूद्दीवे दीवे मंदरस्त पव्वयस्स उत्तरेणं इमीसे रयणप्पभाए पुढबीए असी उत्तरजोयणसयसहस्सबाहल्लाए उवरिं एगं जोयणसहस्सं ओगाहित्ता चेगं जोयणसहस्सं वजित्ता मज्झे अटूहुत्तरे जोयणसयसहस्से एत्थ णं उत्तरिल्लाणं असुरकुमाराणं देवाणं तीसं भवणावाससयसहस्ला भवंतीति मक्खायं, तेणं भवणा बाहिं वट्टा अंतो चउरंसा सेसं जहा दाहिणिल्लाणं जाव विहरंति, बली एत्थ वइरोयणिदे वइरोयणराया परिवसति, काले महानीलसरिसे जाव पभासेमाणे, से णं तत्थ तीसाए भवणावाससयसहस्साणं सट्टीए सामाणियसाहस्तीणं तायत्तीसाए तायत्तीसगाणि
