________________
भगवतीसत्रे जहेव आभिणिबोहियनाणं तहेव नवरं एगट्रियवजं जाव नोइंदियधारणा, सेत्तं धारणा, सेत्तं मइअन्नाणे । से कि तं सुयअन्नाणे ? सुयअन्नाणे जं इमं अन्नाणिएहि, मिच्छद्दिट्टिएहिं जहा नंदीए जाव चत्तारि वेया संगोवंगा सेत्तं सुयअन्नाणे । से किं तं विभंग नाणे ? विभंगनाणे अणेगविहे पण्णत्ते, तं जहा-गामसंठिए, नगरसंठिए, जाव संनिवेससंठिए, दीवसंठिए,समुहसंठिए, वाससंठिए, वासहरसंठिए पव्वयसंठिए, रुक्खसंठिए, थूभसंठिए, हयसंठिए, गयसंठिए, नरसंठिए. किंनरसंठिए, किंपुरिससंठिए महोरगगंधवसंठिए, उसभसंठिए, पसुपसयविहगवानरणाणासंठाणसंठिए पण्णत्ते। जीवा णं भंते ? किं नाणी, अन्नाणी ? गोयमा! जीवा नाणी वि, अन्नाणी वि, जे नाणी ते अत्थेगइया दुन्नोणी, अत्थे गइया तिन्नाणी, अत्थे गइया चउनाणी, अत्थे गइया एगनाणी । जे दुन्नाणो ते आभिणिबोहियनाणी य, सुयनाणीय। जेतिन्नाणी, ते आभिणिबोहियनाणी, सुयनाणी । ओहिनाणी, अहवा आभिणिबोहियनाणी, सुयनाणी, मणपज्जवनाणी, जे चउन्नाणी ते आभिणिबोहियनाणी, सुयनाणी, ओहिनाणी, मणपज्जवनाणी। जे एगनाणी ते नियमा केवलनाणी। जे अ-न्नाणी ते अत्थेगइया दुअन्नाणी, अत्थेगइया तिअन्नाणी। जे
दुअन्नाणी ते मइअन्नाणी य, सुयअन्नाणी य । जे तिय• अन्नाणी ते मइअन्नाणी; सुयअन्नाणी, विभंगनाणी । सू. ४।
