Page Text
________________
परिशिष्ट-४
पडिघाओ कओ भवति, सुवत्तं एते गिलाणट्ठा गेण्हंति ण जीहलोलयाए त्ति ॥३१७०॥ एवं विगतिट्ठवणा गता । इयाणिं “संथारग" त्ति दारं
कारणे उडुगहिते उज्झिऊण गेण्हंति अण्णपरिसाडिं ।
दाउं गुरुस्स तिण्णि उ, सेसा गेण्हंति एक्कक्कं ॥३१७१॥
उडुबद्धकाले जे संथारगा कारणे गहिता ते वोसिरित्ता अण्णे संथारगा अपरिसाडी वासाजोग्गे गेहंति, गुरुस्स तिण्णि दाउं णिवाते पवाते णिवायपवाए । सेसा साधू अहाराइणिया एक्केकं गेण्हंति ॥३१७१।। इयाणि "२मत्तए" त्ति दारं
उच्चारपासवणखेलमत्तए तिण्णि तिण्णि गेण्हंति ।
संजमआएसट्टा, भिज्जेज्ज व सेस उज्झंति ॥३१७२॥ वरिसाकाले उच्चारमत्तया तिण्णि, पासवणमत्तया तिण्णि, तिण्णि खेलमत्तया । एवं णव घेत्तव्वा । इमं कारणं-जं संजमणिमित्तं वरिसंते एगम्मि वाहडिते बितिएसु कज्जं करेति, असिवादिकारणिएसु अट्ठजायकारणिसु वा आएसिए आगतेसु दलएज्जा, सेसेहिं अप्पणो कज्जं करेंति । एगमादिभिण्णेण वा सेसेहिं कज्जं करेंति । (एस सा) जे उडुबद्धगहिया ते उज्झंति । उभयो कालं पडिलेहणा कज्जति । दिया रातो वा अवासंते जति परि जति तो मासलहुं, जाहे वासं पडति ताहे परिभुंजंति, जेण अभिग्गहो गहितो सो परिढुवेति, उल्लो ण णिक्खिवियव्वो, अपरिणयसेहाणं ण वाइज्जति ॥३१७२।। “मत्तए" त्ति गयं । इयाणिं "श्लोए" त्ति
धुवलोओ य जिणाणं, णिच्चं थेराण वासवासासु ।
असह गिलाणस्स व, तं रयणिं तू णतिक्कामे ॥३१७३॥ उडुबद्धे वासावासासु वा जिणकप्पियाणं धुवलोओ दिने दिने कुर्वन्तीत्यर्थः । थेराण वि वासासु धुवलोओ चेव । असहुगिलाणा पज्जोसवणराति णातिक्कमंति । आउक्काइयविराहणाभया संसज्जणभया य वासासु धुवलोओ कज्जति ॥३१७३।। "लोए" त्ति गतं । इदाणिं ""सचित्ते'' त्ति
मोत्तुं पुराण-भावितसड्डे सच्चित्तसेसपडिसेहो ।
मा होहिति णिद्धम्मो, भोयणमोए य उड्डाहो ॥३१७४॥
जो पुराणो भावियसड्ढो वा एते मोत्तुं सचित्ते-सेसा सचित्ता ण पव्वाविज्जति । अह पव्वाविंति सेहं सेहिं वा तो चउगुरुं आणातिया य दोसा । वासासु पव्वावितो मा होहिति णिद्धम्मो तेण ण पव्वाविज्जति । कहं णिद्धम्मो भवति ? उच्यते-'वासंते मा णीहि, आउक्कायातियविराधणा भवति' । ताहे सो भणाति-जइ एते जीवा तो णिसग्गमाणे किं भिक्खं गेण्ह ? वियारभूमि वा गच्छह ? कहं वा तुब्भे अहिंसगा ? साहवो य वासासु चलणे ण धोवंति पायलेहणियाए णिल्लिहंति ताहे सो भणाति-असुद्धं चिक्खल्लं मदिऊण पाए ण धोवंति, असुइणो एते, समलस्स य कओ धम्मो? । एवं विप्परिणतो उण्णिक्खमति । अहवा–सागारियं साहवो पाए धोवंति ततो असामायारी पाउसदोसो य, असमंजसं ति काउं ण सहति णिद्धम्मो अ भवति । “भोयणमोए य उड्डाहो" त्ति वासे
१. गा० ३१६६ । २. गा० ३१६६ । ३. गा० ३१६६ । ४. गा० ३१६६ ।
| SR No. | 009260 |
| Book Title | Kalpniryukti |
| Original Sutra Author | Bhadrabahusuri |
| Author | Manikyashekharsuri, Vairagyarativijay |
| Publisher | Shrutbhuvan Sansodhan Kendra |
| Publication Year | 2014 |
| Total Pages | 137 |
| Language | Sanskrit, Hindi |
| Classification | Book_Devnagari & agam_kalpsutra |
| File Size | 3 MB |