Page Text
________________
कल्पनिर्युक्तिः
पडते अभाविते सेहे 'बहीतो आणितं जइ मंडलीए भुंजति तो उड्डाहं करेति, पाणा इव एए परोप्परं संकट्ठे भुंजंति । अहंपि णेहिं विट्टालितो । ताहे विप्परिणमति । अह मंडलीए ण भुंजति ताहे असामायारी समया य ण कता भवति । जति वा ते साहवो णिस्सग्गमाणे मत्तएसु उच्चार- पासवणाति आयरंति, सो य तं दद्धुं विप्परिणामेज्जा, उण्णिक्खते, उड्डाहं च करेति । अह साहवो सागारियं ति काउं धरेंति तो आयविराहणा । अह णिसग्गंते चेव णिसिरंति तो संजमविराधणा । जम्हा एवमादिदोसा तम्हा वासासु पज्जोसवेति ण पव्वावेतव्वो । पुराणसड्ढेसुं पुण एते दोसा ण भवंति, तेण ते पव्वाविज्जंति । कारणे पज्जोसविते वि पव्वाविज्जति । अतिसति जाणिऊण जत्थ पुव्वुत्ता दोसा णत्थि तं पव्वावेति । अणतिसति वि अव्वोच्छित्तिमाइकारणेहिं पव्वावेति । इमं च जयणं करेतिविचित्तं महतिं वसहिं गेण्हंति, आउक्कायजीवचोदणे पण्णविज्जति, असरीरो धम्मो णत्थि त्ति काउं मंडलीमोएसु जत्तं करेंति, अण्णाए वसहीए ठवेंति, जत्तेण य उवचरंति ॥ ३१७४ ॥ “ सचित्ते" त्ति गयं । इदाणि “अचित्ते" त्ति दारं
७६
डगलच्छारे लेवे, छड्डण गहणे तव धरणे य ।
पुंछण- गिलाण - मत्तग, भायणभंगाति हेतू से ॥३१७५॥
छार - डगल-मल्लमातीणं गहणं, वासाउडुबद्धगहियाण वोसिरणं, वत्थातियाण धरणं, छाराइयाण वा धरणं, जति ण गेण्हंति सो मासलहुं, जा य तेहिं विणा गिलाणातियाण विराहणा, भायणे वि विराधिते लेवेण विणा । तम्हा घेत्तव्वाणि । छारो गहितो एक्कोणे घणो कज्जति । जति ण कज्जं तलियाहिं तो विगिंचिज्जति । अह कज्जं ताहि तो छारपुंजस्स मज्झे ठविज्जति । पणयमादिसंसज्जणभया उभयं कालं तलियाङगलादियं च सव्वं पडिलेहंति । लेवं संजोएत्ता अप्पडिभुज्जमाणभायणहेट्ठा पुप्फगे, कीरति, छारेण य उग्गुंठिज्जति, सह भायणेण पडिलेहिज्जंति, अह अपडिभुज्जमाणं भायणं णत्थि ताहे भल्लगं लिंपिऊण पsिहत्थं भरिज्जति । एवं काणइ गहणं काणइ वोसिरणं काणइ गहणधरणं ॥ ३१७५ || "दव्वट्ठवणा” गता । इयाणि "३ भावट्ठवणा"
'इरिएसण ४भासाणं 'मणवयसा कायए" य 'दुच्चर । 'अहिकरणकसायाणं, संवच्छरिए विओसवणं ॥ ३१७६ ॥
इरियासमिती एसणासमिती भासासमिती एतेसिं गहणे- आयाण-णिक्खेवणासमिती परिट्ठावणियासमिती य गहियातो । एतासु पंचसु वि समितीसु वासासु समिएण भवियव्वं । एवं उक्ते चोदगाह—“उदुबद्धे किं असमितेण भवितव्वं ? जेण वासासु पंचसु वि समितीसु उवउत्तेण भवियव्वमिति भणसु ?" आचार्याह
कामं तु सव्वकालं, पंचसु समितीसु होति जतियव्वं । वासासु अहीकारो, बहुपाणा मेदिणी जेणं ॥ ३१७७॥
"कामं तु” । काममवधृतार्थे, यद्यपि सर्वकालं समितो भवति तहावि वासासु विसेसेण अहिकारो कीरइ जेणं तदा बहुपाणा मेदिणी आगासं च । मेदिणि त्ति पुढवी एवं ताव सव्वासिं सामणं भणियं ॥ ३१७७||
१. वसहीओ अणिते । इत्यपि प्रत्यन्तरे । २. गा० ३१६६ । ३. गा० ३१४० ।
| SR No. | 009260 |
| Book Title | Kalpniryukti |
| Original Sutra Author | Bhadrabahusuri |
| Author | Manikyashekharsuri, Vairagyarativijay |
| Publisher | Shrutbhuvan Sansodhan Kendra |
| Publication Year | 2014 |
| Total Pages | 137 |
| Language | Sanskrit, Hindi |
| Classification | Book_Devnagari & agam_kalpsutra |
| File Size | 3 MB |