________________
વાત કરી હતી પણ તે કેમેય માન્યો જ નહિ. છેવટે તેણે માત્ર અર્જુનને મારવાની તીવ્ર ભાવના દર્શાવી એટલે મેં તેની સાથેની વાત પડતી મૂકી અને નક્કી કર્યું કે હવે કર્ણને અર્જુનની તાકાતનો પરચો દેખાડવો જ પડશે.” ત્યાર બાદ પાંડવોએ જયેષ્ઠ બંધ કર્ણની સઘળી ઉત્તરક્રિયા કરી.
પાંડવો પાસે નાગકુમાર-દેવોનું આગમન યુદ્ધના સત્તરમા દિવસની રાતે પાંડવો વિશ્રામ લેતા હતા તે વખતે તેમની પાસે નાગકુમાર દેવો આવ્યા.
તેમણે કહ્યું, “અમે તે નાગકુમાર દેવો છીએ જેમણે સરોવરમાંથી કમળગ્રહણ પ્રસંગે આપને પકડી લીધા હતા. પછી ઈન્દ્રના દેવે આવીને અમારા નાગરાજ પાસેથી આપને છોડાવ્યા હતા. અમે આપને પકડી લીધા તેથી નાગરાજે અમારી ઉપર રોપાયમાન થઈને અમને કાઢી મૂકતા કહ્યું હતું કે એક વાર તે જ પાંડવોને મદદગાર બનો પછી હું તમને નાગલોકમાં રહેવા દઈશ.
આજે કર્ણના રથના પૈડાંને ધરતીમાં ખેંચવાનું કામ કરીને અમે આપને મદદગાર બન્યા છીએ એટલે હવે અમે નાગરાજ પાસે જઈને નાગલોકમાં રહેવાનું શરૂ કરીશું. આવતી કાલે આપ આ યુદ્ધમાં વિજેતા બનવાના છો એની આપ નોંધ લેશો.”
યુધિષ્ઠિરની આજ્ઞા લઈને તે નાગદેવો વિદાય થયા.
ધર્મ તો મારો સ્વભાવ છે
૧૫૭
જૈન મહાભારત ભાગ-૨
